Manatu o le Fa'atonu - “Tago e mili lo’u tua, ona ‘ou tago atu lea mili lou tua” –ua toe asia.

Fe
By Faaliliu e Seagaitumua Tupuola, 28 August 2016

O Ananafi i le itulau i luma o le Samoa Observer, sa i ai se tala sa faaigoaina “Ua le gagana le Palemi e uiga i le fuafuaga mo Sogi, sa lomia faasalalau ai. 

O Sogi, le nofoaga lea e latalata i le sami i le Penisula i Mulinuu, lea sa fai ai le tauiviga mo le to’afilemu ma manumalo ai i se taimi ua leva, ua avea i le asŏ ma totonugalemu o se fete’enaiga lē manuia ma faaauau pea i le va o nisi o ona aiga, ma lo tatou malo.

E ui la ina ua uma ona faailoa mai e le malo e faapea o ia aiga o le a aveeseina faamalosi ma toe tuuina atu i se nofoaga i uta e igoa o Falelauniu, ae o faailoilo e faapea e le mafai ona tino mai lenei fuafuaga i soo se taimi vave.

O le mea moni, ua manino lelei e faapea o ia aiga ua tonu ia i latou  e faapea e le mafai ona aveese faamalosi i latou mai Sogi, lea sa latou nonofo ai i o latou olaga atoa.. I le taimi nei la, o le faafitauli e faapea e leai se tasi na te iloa ma le mautinoa le mea o loo fuafua le malo e fai i Sogi, ma le taimi o le a faamalosia ai ia aiga ina ia se’e atu i se isi nofoaga. 

Ina ua fesiligia i le vaiaso talu ai poo a ana fuafuaga mo Sogi, o le tali a le Palemia o Tuilaepa Sailele Malielegaoi,  ua uma ona iloa e le  Samoa Observer.

Na te le’i faamatalina mai le uiga o lana faaupuga, se’ia vagana ai se faaopoopoga: “O le fuafuaga sa faasalalau faalaua’etele muamua, o le mea lea, ou te le toe tali atu i nisi fesili e uiga i lea mataupu.” 

Sa faailoa mai e leai sana upu i soo se mea e uiga i le mea o loo fuafua e le malo e faaaoga i ai le eleele i “Sogi,” na tete’e i ai o ia. “Toe fo’i i tua e ‘eli i luga pepa o faamatalaga talu ai mai le malo,” o lana faaaliga lea. “Ua uma ona faamatala atu e le Minisita i lea taimi lea mataupu.”

Ina ua fesiligia poo le fea Minisita na ia ta’ua, sa teena e Tuilaepa ona tuuina mai soo se auiliiliga, ae fai mai: “O la’u tali lena. Toe o i tua i pepa o faamatalaga a le malo i aso ua mavae. E tatau ona i totonu o a outou lomia ua mavae.”

O lea na matou tilotilo ai ia matou faamaumauga ma e lai se “pepa o faamatalaga” na maua ai mai le malo e faasino i le mataupu a Sogi i soo se mea, e matua leai lava. O le taunuuga, ona pau mea na matou maua ia e ono i ai se mea e faasino ia “Sogi”, o le manatu o le faatonu sa faa-ulutalaina, “Tago mai e mili lo’u tua, ona ‘ou tago atu lea mili lou tua.” 

Sa lomia faasalalau i totonu o le Samoa Observer i le aso 7 o Fepuari 2016, e faasino i le faiga-palota lautele o loo loma, faatasi ai ma folafolaga a taitai o le malo-o le a latou faia pe a manumalo le latou itu.

.E pei ona maua mulimuli ane ai, o iina e faapea sa faaalia ai le fuafuaga ina ia fausia se Uafu Faava-o-malo i le Faga i Vaiusu, ae peitai-o lea matou te talanoa iinei e uiga i le “Nuu o Sogi,” lea e faafesaga’i ma lea faga. 

Ma ona soso’o ai lea ma le aso 4 o Mati  2016, o le taimi lea na fai ai le faiga-palota lautele, o le malo  e tusa ai ma se manumalo maoa’e i le the 47 mai le 49 nofoa i totonu o le Palemena, ma o isi mea ua avea i le taimi nei ma tala faasolopito. Ae poo le a lava, mo nisi o outou sa toesea mai totonu o lenei atunuu i lea taimi, ae o loo naunau e fia iloa, masalo e tatau ona e faitau i le manatu o le faatonu, “Tago mai e mili lo’u tua, ona ‘ou tago atu lea mili lou tua,” ma ia e iloa ai. 

Fai mai: I taimi amata o lenei vaiaso na faailoa atu ai e le sui Minisita o Galuega, o Manu’alesagalela Enokari Posala i le Palemene-o lana faigamalo e anoano ana miti ua faatulaga e tuliloa ai le isi lima tausaga. Ona pau o le mea o loo latou faatali i aim fai mai a ia, o lana malo ina ia toe taliu atu i le ofisa pe a mae’a le faiga-palota lautele o loo loma, ona latou faasaga lea e faaliliu a latou miti uma i le mea moni e matua tulaga ese. 

O ia miti, i se tasi itu, e aofia ai ni uafu faava-o-malo se lua, o le tasi e fau i Matautu ma le isi o le a fau i Vaiusu. I le taimi nei la, mo nisi o outou e le o silafia poof ea o i ai Matautu ma Vaiusu, o le a ‘ou faamatala atu. O Matautu e i le totonugalemu o Apia, o iina lea o loo i ai le uafu atu o le atunuu, ma o Vaiusu  e lata i le auala i le isi itu o le taulaga, e te’a Mulinuu lea o loo i ai le Palemene.  

Ia…o le a la le faalepo o loo i tua o le lua o ni uafu faava-o-malo ia e toetoe lava a soso’o le tasi ma le isi, o le faamatalaga a le Minisita o Manu’alesagalala e mafai ona avea ma faata’ita’iga masani.

O se tasi lenei o (faalepo) a le malo-ia ati a’e le atunuu,” o lana faaaliga lea. “O le a maua ai foi galuega. “O se tasi lenei o puna autu tau tupe maua mo Singapore. O fela’ua’iga i vaa, o se mea lea e tatau ona tatou mulimuli ai.”Manaia tele. Ia-o a la oloa ia e ono mafai ona fela’ua’i e vaa e ui atu i le Uafu i Vaiusu? Poo tilotilo le malo i le taimi nei i le pisinisi tau oloa e fela’ua’i e vaa ona o lea ua amata ona fela’ua’i e Rusia i vaa, fana, ‘auupega ma vaa tau e feavea’i ai vaalele helicopters, i le malo o Fiti e le mamao tele atu? O tatou tilotilo ‘ea i le taimi nei e fau se uafu ina ia mafai ai ona tatou faaaogaina  mo fela’uaiga i vaa- o fana solitulafono ma fualaau faasaina? O le mea moni, e le o se mea ‘ea e mata’utia le leaga le faaaoga o tupe tau faasese? 

Ae peitai, talu ai ona ua fai e le Palemia o Tuilaepa Sailele Malielegaoi e avea ma ana tulafono pa’ia le fesili i le Atua e faailoa atu ia te ia  pe o le faaiuga o le a na faia –pe ua uma ona fai-e sa’o pe sese, na ia fesiligia le Atua poo le a sona finaga i lenei mea? 

Poo le a lava, ona o lea ua tatou talanoa nei e uiga i uafu, o le a le isi miti a le malo e uiga i le Uafu i Satitoa i Aleipata? 

.Na faaosofia e le folafolaga o le a maua ai ai ni manuia e le lau maua tau tupe maua i turisi mai Amerika Samoa, o le mea moni mataga e faapea e leai ma se pene na maua mai lea uafu talu ona fausia i le fa tausaga talu ai.

Ae o le itu ua tulai mai, ua magoto ai le $100 miliona i totonu o lea miti ma o loo tumau pea ona avea ma ata e le’i uma o se faalumaina mataga o loo fealualua’i solo i luga o le aloalo o Aleipata i lea nofoaga..O sea tulaga, pe afai e ta’utino, o se faailoga lea o le faatalale e peiseai o loo tutu ai pea i lea nofoaga ma pulato’a i le lagi, ma a’o ona faia lea tulaga, e foliga mai o loo faananau ina ia aveeseina mai foliga o le paneta o le Lalolagi.

ADVERTISEMENT

Ma –ona soso’o ai lea ma le miti e fau se malae vaalele i lea nofoaga. Ia, o le a le mea ua tupu i lena miti? I lea lava taimi, e tusa ai ma Manu’alesagalala, o le a faatu pe tusa o le 500 mita mai le ala autu i Satitoa, lea e soso’o ma le Uafu i Satitoa. 

Na ia faamatalaina: “O le a pei lava o Asau lea o loo i ai se malae vaalele ma se uafu ae o Satitoa e sili atu ona talafeagai ona e fuafua lona ala i Pago Pago.”.  I le taimi nei-o le fuafuaga lena. 

Ae o le miti e faapea o le Malae Vaalele i Satitoa o le a i ai lona tuafafine e igo o Satitoa Whar, ma o le a uiga ese le fiafia latou te maua e ala i le talimalo i o latou uso, tausoga mai Amerika Samoa.

Fai mai Manu’alesagalala i lena taimi: Ua filifilia e le komiti se nofoaga e talafeagai mo le tu-laueleele o vaalele faatasi ai ma le ititi o mauga i totonu o lona siosiomaga.” Na te le’i faailoa maia pe o le a le tele o le tau o le malae vaalele, vagana ai fai mai ua tofia e le Kapeneta se “aufaigaluega” e faagaoioia le galuega ina ia mafai ona mae’a i totonu o le lima tausaga. “I le taimi nei- o loo latou feutaga’i ma nisi o aiga e uiga i o latou fanua faatasi ai ma le tele o le tupe e tuuina atu ia i latou e tusa ai ma le taui.”

Na ia faaalia foi: “Ua maliliu aiga e lagolago le atiina a’e ma mo le malo ina ia taui i latou mo le faaaogaina o latou eleele.” I le taimi nei-ua manino mai o se musika lelei lea e faalogologo i ai!

Aisea o le a le lagolagoina ai e se aiga lea fuafuaga pe afai latou te maua ai le totogi atu o tupe o taui mo le faaaogaina o latou eleele? 

E iloa lelei e le Minisita lea tulaga. Ma o le a faapena foi ia tagata o nu’u. O le mea e masani ai o le a latou tilotilo i luma i lea faamoemoe, aemaise ai lava ona ona o le uiga lena o le Vaega Faa-Upufai e Puipuia Aia Tatau a Tagata-ia i latou .  

O lona uiga o le faamaoni, faatuatua ma o le mea e sili i mea uma, o le faamaoni.  O le Satitoa Airport. O se igoa lelei. I le Asŏ, ua te’a i o tatou tua le lima tausaga, ae o le Satitoa Airport o loo tumau pea ona leai se mea-po le nada-e pei o le gagana Sepania.

Ma talu mai lena taimi-e leai ma se upu e tasi ua faalogoina mai le malo e uiga i le Malae Vaalele i Satitoa. E matua leai lava.

Ae, i le taimi nei ua tatou i luga o le afiafi o le faiga palota lautele, ua faaalia e le minisita e faapea e ese ai ma uafu e lua o le a fausia i Matautu ma Vaiusu, e matua anoano faalep a le malo o loo faagasologa. 

O loo aofia ai ni galuega fou tau le suavai mo Magiagi ma Moata’a, paoa mai le La mo Tuana’imalo, Faleoloa ma Savaii, se faiga tau le galueaina o le eletise ua fuafua e faaaoga ai le malosi o le La, suavai ma le savili, galueta toe faafouina i le Lotosamasoni ma nofoaga tau le suavai i Alaoa ia na faaleagaina e le Afa o Eveni i tausaga ua mavae, ma isi lava mea.

Ia, pe e te fiafia i ai pe leai, o ni faalepo mananaia ia? I le taimi nei lava, o fesili e faapea: O le a le mea na taofia ai le minisita mai le liua o ia miti e avea ma mea ua tino mai-i le lima tausaga talu ai? 

O le mea moni, faamata o se mea moni le tatau ona ia faatali i lea taimi umi, ina ia mafai ai ona faailoa mai ia faalepo i le taimi nei?  Ma o le itu mulimuli, faamta sa i ai se faiga e tusa ai ma lona valea i lena taimi, ma afai sa i ai, faamata o loo i ai pea i aso nei?  

O le mea e masani ai, o le Faipule ua maliu ma o le loia, o Dr. Asiata A.V, Saleimoa Vaai, ma lana tusitusiga e uiga i le malo –ua toe o’o mai i le mafaufau.  Na ia faaalia i lena taimi ua matua fulitua lava i ai, ma i aso nei-ua matua tuliloaina ai lava i se tulaga mata’utia...O le ta’ua o tulafono e lua ia ua uma ona pasi, sa faaalia e le Tulafono o Failautusi Faa-Palemene o le 1988, ma le Tulafono o Galuega a le Malo (Tulaga Faapitoa) 1989, na tusia e Dr. Vaai: “O nei tulafono e lua o le a matua noatia mo le faavaeina  o le pule to’atasi a le HRPP i Samoa.

“Mulimuli ane, o lenei tulaga tau le mau-tali atu o le Kapeneta ma Tagata Faigaluega o le Malo, ua le gata ina afaina ai le tulaga lelei o le auaunaga e tuuina atu ae o le a tulai mai ai se aganuu tau o taupulepulega leaga faiga pi’opi’o i totonu o le malo e aofia ai le tagata e ou le galuega (Kapeneta) ma tagata faigaluega (tagata faigaluega o le malo),  lea o le a fetausia’i ai tagata polokiki ma tagata faigaluega o le malo i totonu o le malo; tago mai e mili lo’u tua, ona ‘ou tago atu lea e mili lou tua. 

“Ona o galuega a le malo lea ua matua loka mau ulu e le faigamalo a le HRPP, o le siitaga maoa’e talu ai nei o totogi o tagata faigaluega o le malo  ma le pule a le pati –i isi faalapotopotoga a le malo-ua noatia ai le HRPP ina ia tumau pea i totonu o le paoa mo le tele o isi tausaga se’ia vagana ai o ana faiga pi’opi’o i totonu ua matua aloa’ia lautele ma toe faaleleia ai i lena taimi.

 “Sa faaalia e le Itu Agai i totonu o nusipepa e pei o le Samoa Observer ana faamuamua tau mataupu lautele ma mataupu tau polokiki, ua latou faamaonia i le tele o tausaga le itiiti o se aoga i le faitau aofai o tagata ia palota lautele e tusa ai ma iloiloga a aiga, aganuu, faiga faavae, tau faasese ma le pi’opi’o. 

Ae ui o lea, ua tuua ai se a’a e le’i tagofia  o faafitauli tau le pule to’atasi ma le taofia o le paoa e le pati e tasi o le H.R.P.P.lea ua i le malo, lea e le mafai ona fo’ia i se tulaga lelei e ese ai i lo le uia o Faamasinoga, ma o ni tagata e aoaoina lelei i mea tau palota –ia e malamalama i le tulaga e le tomokalasi ma le mata’utia tau polokiki ua i ai nei Samoa.

Faailoa mai ia i matou outou finagalo. Ia outou maua Samoa se Aso Sa to’afilemu ma ia faamanuia atu le Atua. 

* Polonius: “E ui lava ina faapea o lenei mea e faavalevalea, ae o loo i ai lava se faiga i totonu”. 

   Hamlet Act 2, scene 2, 193–206.

   Shakespeare

Fe
By Faaliliu e Seagaitumua Tupuola, 28 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?