O le malo tuto’atasi o Samoa

28 August 2016

O le mea moni, o le kuata mulimuli o le senituri tau pulega-malo tu-to’atasi-na matua vaai tino ai-i le faa-Europaina o Apia, e le gata i aga a tagata a’o le fausaga o fale.

Ua faato’ateleina tagata  na fananau mai, na o’o atu i le 60 pasene o tagata e i lalo ifo o le 20 tausaga le matua, ua matua leai ni galuega, fesuisuia’i o tau o fua o faatoaga e auina atu i fafo ma faafitauli tau le faaletonu o le paleni o tupe maua-na pogai ai ona faalagolago tasi i tupe e auina mai e tagata Samoa o i fafo, ma fesoasoani mai fafo ia na o’o atu ai tupe alu tau le atiina a’e i le tausaga i le 80%.

E le gata i lea, o faananauga na tulai mai ona o mana’oga tau aoaoga faa-Europa-faatasi ai ma le maualuga o le faatauaina e Niu Sila o le a’oa’oina tulaga maualuga, o lea na faaleleia ai tulaga tau fesootaiga i le lalolagi, faatasi ai ma le faateleina o le alamanuia tau Turisi i le lalolagi atoa, o lea na una’ia ai tagata Samoa ina ia faaaogaina le tekonolosi faava-o-malo ma ona itu aoga. 

O le aofa’i o tagata tafafao na taunuu mai, mo se faata’ita’iga, sa faateleina mai le 2,200 i le 1962 i le 26,000 i le 1983-lea sa faaalia ai se tulaga tuputupu a’e faale-tausaga e sili atu i le 50%.

O le toe faaleleia o le Malae Vaalele i Faleolo i lea taimi, na faatupe i fesoasoani a Iapani ma Ausetalia ina ia mafai ona tu-laueleele ai vaalele 747, atoa ai ma fuafuaga mo ni atiina a’e tetele tau fale talimalo o le a mautinoa ai le tuliloina o lea faamoemoe.

E ui lava ina sa i ai faaseā e uiga i le una’ia o le alamanuia tau turisi i le faagasologa o le 1960, ae o le popo’e i le ono faateleina o faafitauli tau tamaoaiga, ma le faaitiitia pea o sui usufono e lagolagoina le malo atoa ma le fesuisuia’i o pulega tau upufai o malo, o lea na faavaivaia ai le faia o se tulafono e le lagolagoina e tagata, ma saga faateleina ai pea faafitauli ma tulaga faaletonu o lea vaitau.

A’o faagasolo lenei vaitaimi, sa faatinoina e Apia se tiute taua tele, o le avea lea o ia ma totonugalemu o gaoioiga uma faa-pisinisi, e aofia ai le alamanuia tau turisi-lea ua aofia ai se 26% o le faitau aofai o Upolu. E ese ai mai isi uma o Samoa, sa i ai nuu e leai ni o latou eleele poo e le lava eleele-ma o lea sa faamoemoe tasi i totogi mai galuega.

Ona o le fia faamanatuina o le Malo Tuto’atasi, o lea na faatu ai se Ma’a Faamanatu i le 1961, ae o lona ata na tusi e Mr. Harper o le Matagaluega o Galuega a le Malo, ae le talafeagai le tulaga o loo faatu ai-ona o loo pupuni ai foliga matagofie o le Ofisa o Mataupu Tau Samoa i Mulinuu.

ADVERTISEMENT

I totonu lava o lea laueleele-na faatu ai se Palemene fou i le 1972. Sa avea Vailima ma Maota o le Ao o le Malo i le 1962, ina ua tuumalo Tamasese, sa faamuta ai loa le faiga o le ‘To’alua o Ao o le Malo.’

O le toe fesuiaiga o le uafu ma fale o le Ofisa o le Tiute i le itu i sasa’e o le ava i le 1963-na avanoa ai le faaaogaina o luga o le sami i Matafele ma le tanumia o le pe tusa o le 10 hetaeka mai le ava tuai i le 1966.

O le Maketi Fou mo fuala’au ‘aina ma le Tulaga Faatali Pasi e latalata i le uafu tuai na fausia i le 1968 e sui a’i le malae tenisi sa i Matafele ma fale sa fafao ai pusa fa’i, i se taumafaiga  e aveese nofoaga i le alatele sa faatau ai taumafa, lea sa faaauau pea ona tuuina atu ai se faamamafa i le ola tau tamaoaiga o le Taulaga.

O le Eleele na tanumia ua maua ai tulaga o le tele o fale o le Malo i le itu i sauté ma sisifo e pei o le Matagaluega o Faigafaiva (1979) ma maketi (1982z0, Fale o Pulenuu i le 1979 ma le Ofisa o Turisi i le 1988.

O le faaaogaina o eleele e lata i le uafu i e 1960 ma le 1970-ua faamalosia ai le vavae ese atu ai o galuega tetele tau alamanuia i le Sone o Pisinisi i le Faga i Vaiusu, i sisifo o Apia.

O le Maota fou o le Palemene-na faatu i Mulinuu i le 1972-ae na fuafua i le 1968 lona fausaga faale-aganuu-ia e pei o le Fale Samoa-e Mr. Z.M.Wolak, lea sa galue i lalo o Malo Aufaatasi.

O lenei fausaga tele e foliga i se fale faale-aganuu ma lona falealuga lapotopoto e ato i le laupapa-o ona foliga vaaia e masani ona umi, e tatala itu uma ma pou-ma o le fausaga o lona falealuga sa fai fuafua i ata tusi o isi fausaga poof ale o lena taimi, e aofia ai le Fale Talimalo o Aggie Grey i le 1968, le Fale o Pulenuu i le Eleele Fou i le 1979, le Tusitala Hotel i taimi faai’u o le 1970, le malumalu o le Lotu Bahai i sauté o Apia i le 1984 ma le Ofisa o Turisi i le Eleele Fou i le 1988.

O le fale aupito i tele o nei fale o le Bahai House of Worship-lea e sefulutasi mita le maualuga ma e pei lava o isi faata’ita’iga, sa faalagolago tele i le tulaga ese o le fausaga ma le toe faaolaolaina o faiga faale-aganuu.

O isi fausaga iloga na faatino i le faagasologa o le 1960 ma le 1970-o le Savalalo Grand Theatre i le 1968 i Fugalei Street, le Burns Philp Motor Division i le 1976-e latalata i le Ala Tele i luga o le Sami, Convent Road ma Fugalei Street, le Faletusi Faamanatu o Nelesoni i le 1977, le Fale Telefoni fou i Lalovaea i le 1977, le Pacific Commercial Bank i le tulaga o le faleoloa tuai o Nelesoni i le 1977, le Ofisa o le Hai Komisi o Niu Sila, le Matagaluega o Faigafaiva i tua ane o le Faletusi Faamanatu o Nelesoni i le 1979, Fale Talimalo o Aggie Grey, Apian Way ma le Tiafau i Sogi. O le tele o fale na fau i le faagasologa o le 1970-e le manaia o latou fausaga.

E ui lava ina tutusa le lapopo’a o ia fale ma fale o aso ua mavae, ae na afaina ai le ata faata’oto o auala ua uma ona faataatia ona o le faaaoga o taualuga maulalo, lapopo’a o faamalama tatala, faatauaina o fausaga o vaega i luma o fale, leai o ni teuteu faasasa’o e faapi’o i tulimanu, avanoa o vaipou, teuteu i luga o le taualuga, sooga o laupapa ma ‘apa ma alā-vai i le taualuga, aveeseina o faapaologa o faitoto’a ma poletito ma fausaga simā i le lalolagi atoa.

28 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?