AMATA LE TA’AMILOSAGA I LE TUTUSA

LT
By Lanuola Tusani Tupufia, 12 June 2016

Ua teena le Faaputugatupe mo le Lumana’i Manuia o Samoa (S.N.P.F.) lipoti e faapea na ia teu faafaigaluega se $15 miliona o tupe a tagata fai saofaga-i totonu o le Fale Talimalo o le Taumeasina-lea o le a vave se taimi e tatala aloa’ia ai. Ae peitai-na faamaonia e le Ofisa Sili o Teugatupe Faafaigaluega o le S.N.P.F.o Petra Suhren Chang Tung e faapea o loo fai feutaga’iga vaega auai i se ‘faiga  e nonŏ atu ai’ mo lea galuega. 

E ala i se tali na auina mai i se imeli-i fesili mai le Sunday Samoan, na teena e Mrs Chang Tung ia lipoti e faapea ua uma ona tuuina atu e le S.N.P.F.nisi o tupe i le Kamupani o le Lamana lea e faamautu i Papua Niu Kini, o le vaega lea o loo i tua o lea atiina a’e. “E lei teuina faafaigaluega e le S.N.P.F.se $15 miliona i le vaega a le Lamana i Taumeasina,” o le faaaliga lea a le tamaitai. 

“Ae ui o lea, o lea matou te feutaga’i mo se faiga e nono atu ai tupe mo lea galuega.” Ina ua talosagaina ina ia faamanino mai pe o le a lea mea o “se faiga e nonŏ atu ai”tupe mo le galuega i Taumeasina, sa le’i tali mai le Ofisa Sili o Teugatupe Faafaigaluega i se imeli na toe tatao atu i tua..Sa fesoota’i atu foi le Sunday Samoan i le Taiaifono o le Lamana Group of Companies, o Kostas Constantinou, mo se manatu faaalia.

ADVERTISEMENT

O le tali mai, o lana tusi e faapea: “Ou te faailoa atu e faapea o le Taumeasina Island Resort o se galuega fai faatasi e aofia ai ni vaega se lua i Papua Niu Kini.

O nei vaega o le M.R.D.C. ma le Lamana Development. I se tasi itu, o isi tagata fai sea mai Papua Niu Kini, Samoa ma isi malo o le Pasefika e ono mafai ona valaauina ina ia auai ae mo le taimi nei-e na o le lua lava paaga JV o loo avea ma tagata fai sao.”. O le Pule Faatonu sa fiafia foi e faalauiloa e faapea o le a tatalaina lea fale talimalo mo malo mai le aso 1 o Iulai.  “E mafai ona e maua se fale talimalo lelei e 80 potu ma le 25 vaega,” o lana faaaliga lea.

O loo fausia i lua o lona lva motu faatasi ai ma se auala e ui ai i apia, e lua matafaga o le oneone pa’epa’e ma isi lava mea e tele.” O le Pule o le Taumeasina Islnd Resort o Nathan Bucknall na ia faalauiloa foi e faapea o le a maua le faaipoipoga muamua a lea Fale Talimalo i se taimi vave. O lea galuega na amata mo kaba US$60 miliona ia Iuni 2013. O lea atiina a’e e aofia ai se fale tele e sili atu i le 100 potu, potu moe mananaia ma fale laiti e igoa villaga ma le anoano o taaloga i le sami, fale o faafiafiaga faapea ma fale’aiga ma fale’aiga laiti.

O lea kamupani e faamautu i Papua Niu Kini, o le Lamana Groupu ua sili atu i le 50 tausaga lona poto masani i le Pasefika i Sisifo. O loo faamatalaina ai o ia e avea ma kamupani felanulanua’i e aafia i le atiina a’e o meatotino, fausaga lautele ma le pulega o fale talimalo.

O le Lamana Development Ltd-o se vaega faaopoopo o le Lamana Group na faavaeina i le 1994-o se kamupani e ati a’e e ia-o ia lava –na te umia le atiina a’e o meatotino faatasi ai ma faamaumauga faamaoni tau le atiina a’e o le tulaga maualuga o fale talimalo tau pisinisi i totonu o Papua Niu Kini ma le Atu Solomona ma Fiti. Fai mai le website a le kamupani o le Lamana e faatῡtῡ lana vaai  i le atiina a’e o fale lelei, fale o ofisa tau fefaatauaiga, fale tau alamanuia, ma fale talimalo tulaga maualuga i totonu o Papua Niu Kini ma le faataamilo i le Pasefika.

 “E faaopoopo atu i le sootaga tau le pulea o fale talimalo lauiloa ma fale tau pulega, e aafia foi le Lamana Development i le gaosia o faamalama u’amea lelei mo fale faatasi ai ma le tulaga aloa’ia i le lalolagi, ma tagata faigaluega o atunuu.

LT
By Lanuola Tusani Tupufia, 12 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?