Naunautaiga o matua ina ia taunuu manuia fanau

By Seia Soloi 31 March 2017, 12:00AM

O so’o se matua lava o a latou miti ma moomooga mo a latou fanau i le lumanai, ina ia maua so latou manuia ina ia aua nei ola faalolo i le fiaai ma le fiainu i le lumanai.

Ae ia mautu se siosiomaga lelei e ola maloloina ai ma maua aoaoga lelei aua le tausiga o aiga, nuu ma le ekalesia tainane le atunuu atoa.

O le mau taula’i lea  a le tama ia Lafaele Toalepai, 32- tausaga le matua mai i le afioaga o Luatuanuu ma Vailele. O lana faamamafa ma le faamuamua e mo lana fanau mo le lumanai.

O lo’o faigaluega ne ii se tasi o fale inisinia i Vailele ma o lo’o nonofo nei ma lona aiga i Luatuanuu ma e toalima si ana fanau to’atolu o lo’o ao’oga ne ii le aoga tulaga lua a le nuu.

“O la’u lava lea masani i aso uma o le momoliina mai o la’u fanau ma toe piki ma ii le aoga o le tina o le aiga o lo’o nofo i le fale ma tausi le fatu aiga ae na’o lava o lo’o faigaluega aua le tautuaina o le aiga aemaise le fanau” o lana tala lea i le Fofoga o Samoa.

Pau le naunautaiga o le tama ina ia iu lelei ma mautu aoga a lana fanau aua so latou lumanai manuia.

“O moomooga ia o soo se matua ina ia ola manuia a latou fanau ma ia lava ia po o le a lava le taugata ae o lona manatu ia iu lelei aoga a le fanau aua a uma atu laua ae o lo’o tulai lelei mai fanau mo le tautuaina o aiga ma nuu.

Na ia faailoa foi toatele tagata ua faitio faimai ua taugata tele le tau o le soifuaga ma o lana mau, o le olaga paie lava o a tatou tagata ma le le galulue malosi mo aiga.

“E leai se tatou mea e mafia ona fai aua ua tatou iloa uma lava le olaga o lo’o alu lava i luma ma o lo’o siisii ai lava ma le taugata o le soifuaga ae e mo le tagata lava ia e aua le ola faalagolago ae ia galue ma tautua mo aiga aemaise fanau mo se latou lumanai manuia. 

“Ua matele o tatou tagata i le ola faamoemoe ma le faalagolago ae ua le galue lava mo aiga ma fanau, ua faasili lava le augata e galue ae ia mafaufau lelei i fanau ma so latou lumanai manuia mo taeao.

I le galuega a le tama ia Lafaele, o lo’o ave ai lava lana faamuamua mo lana fanau mulia’i aim ea fai a le aiga ma le nuu.

“Soo se matua lava e moemiti ina ia taunuu ma le manuia a latou fanau pe faimai lava e taugata le soifuaga ae e finau lava matua mo se lumanai manuia o fanau, aua o le fanau lava ia e tatau ona ave iai le faamuamua amatua aua o le mea ua tatau ona fai.

By Seia Soloi 31 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>