Galue o ia mo se lelei o lona aiga

AL
By Aruna Lolani, 24 July 2017

O Kiuga Seve e sau mai nuu o Vaitele ma Vaisala.

O lana fa'atalatalanoaga ma le Fofoga o Samoa sa ia taua o ia e ave lana fa'amuamua i lona aiga ma o le mafua'aga foi lena o loo galue malosi ai o ia.

Na maua atu e le Fofoga o Samoa Kiuga a o agai atu ile galuega.

Sa taua e ia, e toasefulu tagata i totonun o lona aiga ma o se aiga toatele.

Sa fa'apea mai Kiuga e toatolu latou o loo faigaluega faatasi aua se lelei o le latou aiga, o latou foi lena e fa'amoemoe ai i mea fai i totonu o le latou aiga.

Na taua e lenei alii, o le olaga faigaluega e le o se mea faigofie ae e taumafai pea o ia aua o lona aiga lea e faamoemoe atu ia te ia. 

ADVERTISEMENT

O ia o se fa'ataitaiga lelei lava mo le au tupulaga o loo fa'amaimau le taimi ae le faaoga tatauina ile tausiga o matua.

“E lelei a le galuega, e moi a e iai taimi e iai ni tamai faafitauli ae o au a ia ou te toaga lava e galue ma ou te ola taumafai." 

“Ua lua nei tausaga talu ona ou faigaluega i lenei galuega ma e le o se mea faigofie."

“O le aiga aemaise lava matua lea e maua ai le fa'amalosi au e galue malosi aua se ai o le aiga."

Sa ia taua foi e moi lava ua tele suiga o le olaga ia aemaise lava mo le au tupulaga ae o le tagata a ia e pulea a e ia lona ia olaga.

“O au ia ou te le tilotilo fua i isi au tupulaga ma maitau poo a latou mea o fai."

“I lou au ia talitonuga e pule a le tagata i lana ia mea e fai.”

O loo taumfafai pea Kiuga aua sona ia lelei ile lumanai ma o le mafuaaga lena o loo ia galue malosi ai.

AL
By Aruna Lolani, 24 July 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?