Ia tapu’e tupulaga

IL
By Ilia L. Likou, 13 November 2017

O lea le talitonuga o Tuiala Sakaio o Si’ufaga Savai’i i le Fofoga o Samoa.

Na ia ta’ua o le taimi lenei e le’o toe aoga pe faigaluega ae o le tausia lava o le aiga.

‘Ia e pei o lea lava le tulaga ua i ai nei Savai’i o le uma lava o le aoga ia fa’aaoga tatau loa le taimi e fesoasoani ai aiga.

“O lea lava le vaega o le soifuaga lea ua i ai, o le uiga o la’u tala, ia a fa’alogo atu lava ua le mafaia se isi vaega i luma atu i le olaga a’oa’oina lelei.

“Ia o le taumafai lava e atia’e aiga, ma fa’atino o so’o se faiga e mafai ona fai ai, aua e le toe taua nei vaega i lo’u iloa i ai.

ADVERTISEMENT

Na ia ta’ua o se itu e ao lava ona fesoasoani ai matua ma e o lo’o matutua ina ia tapu’e ola o le tupulaga talavou o lo’o ua i ai le taimi lenei.

“O lea lava le tulaga  o lo’o ua va’ava’ai atu ai le taimi lenei, o se itu taua o le mafai ai lea ona fa’atino o mea uma mo le lelei alu i luma o le soifuaga.

‘Ua faigata nei aso, ae ao lava ona fa’aaoga lelei o matou taimi e galulue ai ma tautua aiga, aua o fa’amanuiaga lava mea uma.

“O le itu mautinoa a tuai le aso, o lona uiga ua leai lava se isi tulaga e mafai ona o tatou fa’atinoina.

“O le mea lava lea e ala ai pea ona o tatou fa’alogo ma a’oa’ina lelei mai o tatou mafaufau, mai matua mai latou o lo’o i luga atu i a’i tatou.”

“Ia talia fautuaga lelei aua le aga’i atu ai le lumanai, ia talia le itu fo’i lea o i latou e lelei ma sili atu lo latou silafia nai lo tatou tagata  fa’atauva’a.

“Ia fa’atasi atu ai loa i le fa’alagolago i le Atua i mea uma, ia o le a le taumateina le tula’i mai o ni tupulaga talavou mo le lumana’i.

IL
By Ilia L. Likou, 13 November 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?