Ia fa’asoa agava’a i fanau

VM
By Vatapuia Maiava, 01 November 2016

“O lo’u i ai i le mafutaga o le Aualofa i totonu o la matou Ekalesia o se agaga fiafia tele i a te a’u.” Le tinā i a Iole Tulo’a o Malie-Uta, i le fa’atalatalanoaga ma le Fofoga o Samoa.

“O le umi ona ou auai i le Aualofa ia o le tele fo’i lea o lo’u iloa ua i ai nei i le fa’atinoina o so’o se meataulima aemaise o le lalagaina ma teuteuga o lo’o ua tele ina fa’aaogaina i lenei vaitau.

“Ia o le taimi lenei o lo’o ua o matou galulue ma le tele o tinā i le lalagaina o le tapito, ma e moni lava o lo’o fa’atinoina vaega nei mo le Aualofa ae o lo’o tele lava le fesoasoani mo le tausiga o matou aiga.

“Aua fo’i a uma ona lalaga ona pule lava lea o le tinā pe ave e fa’atau pe leai fo’i.

“Ia ae  pei o le to’atele lava o lo’o fesoasoani tupe o lo’o maua mai pe a fa’apea e fa’atauina le tele o vaega nei i le tausiga o nai aiga aemaise o fanau i aoga aua ua le toe faigofie nei aso.

ADVERTISEMENT

“Ua o tatou molimauina le tele o suiga o nei aso, ia ae o le aoga lava lea o i matou o tinā o lo’o o matou fa’atinoina le tele o vaega nei mo nai o matou aiga.

“O le tele lava fo’i o taimi ua fa’asoa atu i fanau , ia ma a’oa’o ai le lalagaina o so’o se ituaiga fala, aua a matutua ane fo’i ia ua faigofie i a’i latou ona fa’atinoina le tele o itu nei mo aiga.

“E pei la o le fa’amoemoega lava o lenei polokalame a le aualofa ia mo nai aiga ma so’o se tasi lava e mana’omia le fesoasoani i mea lalaga nei.

“Ia e fa’aoso gata lava le tele o taimi vaega nei i totonu o mafutaga ae fa’afetai o lea ua va’ai atu ua tele ina tino mai.

“Ia o le taumafai lava, e pei o le itu taua lava lea o le tu’u ai o le taimi mo le fa’agaioina o le tapito po o le fala masi.

“O le lelei lea o nei vaega i totonu o mafutaga fa’apenei ia e ave fa’atau ia ona aumai lea o tupe e fesoasoani ai le tausiga o aiga.

“E pei o le agaga fa’afetai o le avanoa e tu’u fa’atasi ai nei mafutaga ia ua iloa e fanau ona lalaga le tapito aemaise o le mamanuina.

“E pei ona fa’ailoa atu muamua , ia o lea fo’i ua fa’asoa atu i le fanau ma e pei o le agaga maualuga lava lea o le fa’aauauina e le to’atele o le  lalagaina o vaega nei mo le to’atele aemaise lava le manuia o aiga.

VM
By Vatapuia Maiava, 01 November 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?