Manatu o le Fa’atonu - Ua faailoa mai e Minisita le Ala

By Faaliliu e Seagaitumua Tupuola 03 April 2016, 12:00AM

O se vaiaso uiga ese lenei. O se vaiaso foi atonu ua mafai ona faailoa mai e folafolaga, o tete’e ma le anoano o faamatalaga e te lagona le lelei mai ta’ita’i o lo tatou atunuu.  

O le mea moni, o upu e pei o le “mamalu,” “faamaoni,” “tulaga mamalu” ma faaupuga e pei o le “faamuamua o tagata” ua leva ona fetogia’i solo.” O se mea uiga ese lea. O le upu moni lava lena. O ni faaupuga ia tatou te fia faalogo uma lava i ai, a ‘ea? 

I se tasi faaupuga, e matua faa-talitonu loto lava le sau i le amataga o se pulega a se faiga-malo fou faatasi ai ma le faamutaina talu ai nei o le lauina o suafa o le faatulagaina o lana Kapeneta.  

O tala fou lelei muamua e mai le Minisita o Tupe, o Sili Epa Tuioti. E manino mai ua faamavae o ia mai lana galuega talu ai i se ofisa o pulega tau tupe ina ia ‘alofia ai le fete’ena’i o aia tatau.  “Sa i ai pea lou faamoemoe e faamavae. O lea tulaga e lelei mo pulega lelei ou te faatinoina ma o lea ua leai ai ia te a’u se feteena’iga o aia tatau,” o le faaaliga lea a Sala i le tatou nusipepa. “Na ‘ou faamavae i le aso na faatautoina ai a’u ma e le’i tofia lava nisi i le tulaga sa ‘ou umia.” O lea tulaga e le faapito ia Sala

I le itulau i luma o le nusipepa o loo e faitauina, o le Minisita fou o Fesootaiga ma Faamatalaga Tekonolosi (M.C.I.T.), o Afamasaga Rico Tupa’i, ua uma foi ona tatafi ia mamā mai se feteenaiga iloga tau aia tatau- e tusa ai ma lana matafaioi fou.

 “E matua leai lava se fete’enaiga e tusa ai ma lenei itu,” o la faaaliga lea a Afamasani. “Ua faailoa mai e ui mai lo’u ofisa, o vaega uma lava ma tagata uma lava sa galulue ai, e faapea ua ‘ou le toe aafia i le galuega o le (Skylite). “Ua ‘ou matua alu ese ai lava e tusa ai ma le tulaga ma lo’u aafia ai.”

.E tusa ai ma le leo o mea, o Afamasaga o se alii lea o loo ia te ia se fe’au e faatino. Ma o lona faamoemoe ia fai lava na o lena. 

“Ua uma ona ‘ou tuuina atu la’u tautoga ina ia faamuamua (ma galue) mo le manuia o le malo ma tagata lautele,” o lana folafolaga lea.. “O le mea tonu lena o loo o’u faatauaina. Ua i ai au lava mea e te fiafia i ai ma e pule foi le Skylite i ana lava mea ae o le manuia o se tagata palota ta’ito’atasi e le o so’u popolega autu lea onao la’u lava faaiuga e faavae i luga o mana’oga lautele o tagata o le atunuu.” 

Ia- o se alii lelei lea, a ‘ea? O Samoa e aunoa ma se masalo o le mea moni na te manaomia nisi ta’ita’i e pei o Afamasaga ma Sili Epa. Tatou faamoemoe o a latou paaga uma o le a tilotilo ia Sili ma Afamasaga ma mulimuli ai i le la ta’ita’iga. Ua matou fai atu faapena ona a tilotilo i le taimi ua mavae, e le mafai ona teena le manatu e faapea o Minisita o le Kapeneta, Minisita Lagolago ma Sui Usufono o le Palemene ma ofisa sinia o le malo ua lauiloa i le faaaoga o latou tulaga e faaleleia ai a latou pisinisi ta’ito’atasi.  

Tama’ita’i e ma alii, o se atunuu itiiti lenei. E le tau avea oe ma saienesi o roketi ina ia e iloa ai le anoano o mataupu tau le fete’ena’i o aia tatau o loo aafia ai  alii ofisa o le Malo ia o loo fai a latou lava pisinisi, ma gaoi nisi vaega o avanoa a le aufaipisinisi o lo tautigā ia sa tatau ona tuuina atu ia i latou. O lena faiga, matou te toe fai atu, o le faasaolo, i lona tulaga moni ma le faigofie. 

Ma i totonu o se atunuu lea o loo faalele solo ai faaupuga a le malo e uiga i lona faimea tonu ma le mautali atu, sa le tatau ona i ai se nofoaga mo se faiga faapito e faavae i luga o feeseeseaiga tau aia tatau. O lona uiga-o lea faa-alualuŏ, faiga pi’opi’o ma le fete’ena’i o aia tatau sa tatau ona matua aveese ina ia le toe aliali mai. O le mea moni e faigofie lava. 

O Faiga-pi’opi’o ua na matua ulufia a tatou faiga uma e ui lava ina umia e tagata o latou tofi o le paoa ma tiute tauave ma talanoa e uiga i le faamaoni, ma faigamalo lelei i aso uma. I le tulaga masani-e le mafai e se tasi ona fesoasoani i ai-ae mafaufau pe aisea ua avea ai le lalolagi-e aofia ai ma si a tatou fasi parataiso-ona avea ma mea leaga-pe a faailoa ai e ta’ita’i mea sa’o uma lava.

Tama’ita’i e ma alii-a tatou matamata i o tatou ta’ita’i o fai mai ni faaupuga uiga ese e uiga i le “tulaga mamalu,” “mamalu,” “faamaoni” ma le “faamuamua o tagata,” ona siitia lea o tatou faamoemoega. 

Ua matou fai atu faapenei talu ai ona o le anoano o lapisi e tatau ona faamamā lelei. O lea matou te talanoa atu e uiga i mataupu e le’i maua i ai se iuga tau “faiga pi’opi’o” ia o loo pulato’a i o latou foliga –talu ai ona e tatau ona tagofia.  O le mea moni lava, i Samoa i aso nei, o loo i ai se elefane i totonu o le potu lea e tatau ona aveese. O loo i ai foi ni mataupu tau le faaaoga sese o le paoa ma tulaga-ia e tatau ona tagofia..O le mea moni lava ia, o lea mataupu sa tatau ona tagofie i se taimi ua leva. .Afai la e tatau ona ta’u atu le mea moni, o nisi tagata o loo umia tulaga o le paoa –sa le tatauona umia ia tulaga talu ai-o a latou amio e uiga ese le mata’utia. Ae peitai-e le mafai ona taufetuli pea e faavavau. E le mafai ona faafitia lena tulaga. O le taimi ua te’a e mafai lava i taimi uma ona toe o’o ia i latou i soo se nofoaga ma i soo se faiga. O le faafitauli i aso nei e faapea i totonu o a tatou polokiki, e fulitua i faiga faavae. O nisi ta’ita’i e olioli i le fiafia e aunoa ma le mafaufau i ai; latou te manaomia le tamaoaiga e aunoa ma le fai o se galuega ma e i ai taitai ua i ai le poto ae le mana’omia ni tagata. 

Uso e, tatou te manaomia se tupulaga fou o ta’ita’i ina ia tulai mai.

I fafo atu ma luga o ala tetele o Samoa i aso nei, o loo i ai tagata moni lava ma o latou faafitauli moni o loo tau alaga mai mo ni vaifofo moni. O le pule i le ola o le mea moni lava. O le mapuitiga o le mea moni lava. O le Mativa o le mea moni lava. O mea faatiga e le mafai ona teena.. O nei faafitauli uma e pogai mai le leai o ni tupe maua, faateleina pea o le leai o ni galuega ma tamaito oa ia faamalosi i luga o ala tetele e faatau atu soo se oloa e mafai ona latou faatau atu i itula uma lava ina ia mafai ai ona latou tausi o latou aiga. Tama’ita’i e ma alii, e mana’omia e nei tagata se fesoasoani. Ma latou te manaomia vave lava..  O le mea latou te le manaomia o faaupuga faavalevalea ua masani ona fafaga ai tatou e ta’ita’i ia ua matua siamu lava i upu-ae matua uiga ese le mativa e faatino.Ia outou maua Samoa se Aso Sa to’afilemu ma ia faamanuia atu le Atua! 

By Faaliliu e Seagaitumua Tupuola 03 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>