Suiga ma’ale’ale o le tau

UF
By Ulimasao Fata, 15 October 2017

O suiga ma’ale’ale ua i ai nei le tau o se itu na fa’ailoa e Sio Gasio ua fai lea ma popolega.

I le maua ai o le fa’atalatalanoaga ma le Fofoga o Samoa na ia fa’ailoa ai le tele o le ‘ese’esega i la aso ma nei aso ua i ai.

O le itu na ia fa’ailoa o se itu e ao lava ona galulue fa’atasi ai malo uma o le lalolagi ina ia taofiofi suiga ma’ale’ale ua i ai nei le tala o le tau.

“Ia e pei o la aso na faigata lava ona i ai ni galulolo e pei o se tasi o fa’alavelave lea lea na ‘a’afia ai si o tatou atunu’u i tausaga ua alu atu.

ADVERTISEMENT

“O le itu taua lava o le mafai lea ona tatou fo’ia aua e pei o suiga nei e mafua mai lava i lo tatou le fa’aeteete mo nei suiga uma.

“Ia se’i o tatou va’ava’ai nei la i le tulaga e pei ona i ai le mau mafui’e ua o tatou i ai nei aso, ae a afa ia  e leai lava ma se isi o tatou e le’i molimauina nei tulaga.

“Ua le sologa lelei lava ua o tatou fa’aleagaina le foafoaga matagofie na aumai e le Atua mo i tatou ma o lo’u iloa o se itu e ao lava ona o tatou nofo uta ai le taimi lenei manu o i ai le taimi.

Na ia fa’ailoa o le so’ona susunuina o lapisi fa’atagaina e pei o tagapepa o se itu e ao lava ona ave ai le fa’amamafa a le to’atele.

“E pei o lea le tulaga e pei ona ou fa’ailoa muamua a le mafai ona vave fai i ai se fuafuaga ia o lona uiga ua matua’i tigaina lava i tatou.

“E ao ona o tatou faia mea uma i le tatau ai ma o se itu taua tele lea i lo’u iloa i ai.

“Ia o tatou fa’asaga e fa’atino o so’o se itu e mafai ai ona fesoaoani e le gata mo tatou i le aso ae o nai fanau i le lumana’i. 

UF
By Ulimasao Fata, 15 October 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?