Faigofie pe a e fa’afaigofieina

By Aruna Lolani 23 June 2017, 12:00AM

O le tausia lelei ai o aiga o se tasi lea o vaega e ao lava ona ave ai le fa’amuamua.

O lea le talitonuga o Nameri Lusiano o Manunu i le Fofoga o Samoa i le aso ananafi.

Na fa’ailoa e le tama o le tele o vaega o lenei soifuaga o lo’o i ai , ae o le ave lava o le fa’amuamua i aiga o se itu lelei tele i le maitau atu i ai.

 “E pei o lo’o ave lava le fa’amuamua i lo’u aiga, ma o lo’u iloa i ai o se itu lelei tele lea mo a’u ma lo’u to’alua ma la ma fanau e to’alua.”o lana saunoaga lea.

 ‘Ia o o le tele lava o nai o tataou tagata o lo’o mafai ona fa’apea mai e faigofie ona tausia lelei aiga e to’alaiti ae o lo’u iloa i ai, e sa’o lelei lava lea tala.

“Aua a tatou fua i ai le tau o le soifuaga o lo’o ua i ai nei, ia o lea lava le tulaga o lo’o o tatou taumafai e fa’ailoa ina ia lelei atoatoa lona fa’atinoina.

“Ia o le taimi lenei, ia o lo’o tele lava ina fa’aaoga lelei le ele’ele ina ia mafai ona maua mai ai mea’ai aemaise o le taumafai lea  e maua mai ai se tupe fa’asili mo le aiga.

 “Ia o si o matou afio’aga nei ia e tasi lava le faleoloa, ia e fai lava sina maomao mai le taulaga, ia o le tele o taimi ia ua fa’apena lava ua maua nisi vaega e fai ai nisi fuafuaga ae a leai lava ia e leai a.

 “O si o matou aiga, ia olo’o taumafai lava e fa’ailoa i le fanau, le tatau ai pea lea ona ola i se olaga faigofie.

“O a vaega ua maua i lea aso ia o lena lava, e maua lava le fiafia ma fa’aaoga lelei aua lava le tausiga o aiga.

Na ia fa’ailoa o le tele lava o tulaga o lo’o sologa lelei mea uma.

By Aruna Lolani 23 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>