Pulupuluima fa’atasi e mama ai se avega

FT
By Fetalai Tuilulu’u, 25 April 2017

O le aso ananafi na maua ai le fa’atalatalanoaga a le Fofoga o Samoa ma le tinā i Alatupe Nikolao, 44 le matua o le soifua o Eva.

Na ia fa’ailoa e fa’apea e tele lava suiga aemaise o le ‘ese’esega ua i ai nei aso ma aso ua alu aemaise o lana silasila i le olaga i le talafatai i le taulaga ma nu’u i tua.

“Ia e mo le silafia ai , o ituaiga fanua nei i totonu i le talafatai nei i Apia ia e aoga tele mo le fanau aoga aemaise ai le au faigaluega.

“E moni lava o lo’o i ai fanua ae le mafai ona fa’atusalia ai le tetelē o fanua o lo’o i tua o matou nu’u.

 “O lo’o feololo lava fanua, ae pei la o le taimi lenei i nei nofoaga tu taulaga o lo’o ua i ai le fanau ia o lo’o taumafai lava e toto nai fuala’au mo le aiga aemaise lona atina’eina.

O le a sou silafia i  aso ua mavae ma nei aso ua i ai?

“Ia a a’u ia e le tele lava sona ‘ese’esega aua o la aso ia na tele lava vaega na fa’alagolago le soifuaga i fa’ato’aga ma mea fafaga ae tau leai ni tupe e maua.

ADVERTISEMENT

“Ia na ave pusafa’i a nai o’u matua ma fa’atau ia ou te le’o maua lelei le tupe na maua, ae pei ona ou ta’ua muamua e pei o lea le tuaga na taumafai ai lava nai aiga i la aso.

“Ia ae le’i tele ni tupe ae na tele lava fa’atoaga na tua i ai.

“Ia na ou mauaina fo’i aso la sa ta’i 60sene le pisupo 6 pauna, e taugofie le tele o oloa.

“Ae o nei aso ua maua tupe ma tele ae ua taugatā oloa...ma ua fa’asolosolo lava ina matua’i taugata lava.

Na ia ta’ua o le taimi lenei o mea fa’alenu’u i totonu o le afio’aga o lo’o sologa lelei lava.

“Ia e le tele lava ni vaega e fa’atino mo le nu’u ma ekalesia, o lo’o sologa lelei le tele o vaega.

“Aua e leai se mea o le a fa’asala ai fua pe afai e leai se  vaega e ono sala ai fua.

 Pau lava le tulaga ina ia pulupululima fa’atasi Samoa ma ona tagata e mama ai se avega.

“Ia avea le Faavae le Atua o Samoa ma auala ina ia iloa ai le lelei ma le tele o fa’ata’ita’iga i Samoa nei. 

FT
By Fetalai Tuilulu’u, 25 April 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?