Manatu O Le Fa’atonu - Ua toe aumai e Jack Chen mea tatou te manatua ai

Fe
By Faaliliu e Seagaitumua Tupuola, 09 June 2016

O tala fou ananafi e faapea o le lele- i le –po a se alii Saina e teu faafaigaluega ana tupe, o Jack Chen, ua falepuipui ona o ni faiga tau faasese i Saina-ua toe aumai ai mea tatou te manatua ai (Falepuipui Tupa’i Jack Chen i le tau-fa’avalea).

Ua toe faamanatu mai ai se lautusi mataga i totonu o le soifuaga o lenei atunuu-lea na faavalea ai o tatou tagata matitiva ma le lamatia-gofie-ae mafuli lava i le aufaifaatoaga i totonu o nuu-ina ia liua Samoa e avea ma laueleele o le nonu faatasi ai ma ni folafolaga tau tamaoaiga-ia e le’i tula’i mai lava.

I Aso nei-ua matua tumu Samoa i le la’au o le nonu. Mai Asau i Palauli, Fagalo i Aleipata ma le toetoe lava o nofoaga uma e mafai e mafaufau i ai, o fua o nonu ua matua pala faasolo atoa i luga o le eleele.

O le Aufai-faatoaga i se tasi iu ua le fiafia. E ese ai mai le maumau ai o lo latou taimi, ae ua latou lagona ua faalataina i latou talu ai –ona sa matua una’ia lea tulaga-e aofia ai ma lenei faigamalo-mo tagata ta’ito’atasi uma ma lana ta’ifau-ina ia toto nonu i lea taimi.

Ae peitai-e matua uiga ese le faatiga o lea tulaga. Ma le vave ona suia o mea mo le mea e sili ona leaga. I lenei Aso, o le tala o loo i le itulau i luma o lau nusipepa mai le South China Morning Post-o loo faaalia ai mea uma.

Ioe-o lea alii Saina na uosi mai i totonu o Samoa ma faavalea tagata uma lava-e aofia ai ma lenei lava faigamalo- lea sa na talia o ia ma le fiafia o ia-e ala i se faiga tau faasese. Ae peitai-e le faapito o ia i se faiga pi’opi’o. E tusa ai ma le mea ua faailoa mai ia i matou, o ia foi o se tagata e faaaogaina tupe tau faasese e ese ai- mai isi lava mea.

E tusa ai la ma le lipoti mai Saina e tusa ai ma le faasalaina o ia-fai mai le Tamaitai Faamasino o Anthea Pang Po-kam-o Chen sa filo i le vaega o “fai’ai mata’utia ma tagata e una’ia faiga tau faasese, ia e matua afaina ai tagata lautele ma oloa tau le maketi.” O le taunuuga, e ese mai le tuuina atu i le falepuipui mo le sili atu i le fitu tausaga, ae ua tapu foi Chen mai lona pulea o se kamupani mo le 10 tausaga.

A tatou tilotilo la i le ata lautele, o tagata e pei o Chen-e le fou. E anoano i latou i le lalolagi atoa e faagaoioia lea ituaiga o faiga. Ma e tutupu a’e i latou mai lea taimi i lea taimi i nofoaga uma. O se soifuaga lea. O le fesili mo i tatou i totonu o se Samoa itiiti pe na mafai faapefea e lenei alii ona faavalea  o tatou ta’ita’i-ma le vaega toatele o tatou tagta-i se faiga e sili ona faigofie. 

ADVERTISEMENT

I lenei nusipepa, e manatua e le tusitala le fai o ia ma mea ula ma le tele o igoa faatiga sa faaigoa ai o ia e le taitaiga o lenei malo –i le taimi muamua na matou lāgā ai fesili e uiga i le tulaga talafeagai ma le tulafono o Chen ma lana gaoioiga. Sa tōē ia i matou-taufaifai ma faaigoa i matou o “vale” ona o se mafuaga faigofie o le fai o fesili e mafua ai ona matou ola –ina ia tali mai i ai. 

Ae- silasila i le mea ua tupu mai nei. Ua outou silasila la, a’o falepuipui Chen i le taimi nei i lona atunuu moni-ae o le toatele o tagata na o mai ma Chen ma folafola mai le La ma le Masina –o lea lava e iinei. Ma o se atugaluga moni lava lea.

E ui lava ina ua mou atu e aunoa ma se iloa isi tagata ma ua le iloa poo fea o i ai, ae le tatau ona matou faamanatu atu ia te outou e uiga i tagata polokiki maoa’e o latou suafa ma foliga o le a tumau pea ona fesoota’i ma le lautusi faalumaluma o Samoa ma lana taumafaiga mataga i le mea e igoa o teugatupe faafaigaluega i atunuu mamao. 

O nei alii ofisa o loo i ai pea  i tulaga o le faatuatuaina ma  ma o loo tumau pea ona i ai ma fai faaiuga autu ia ua matua sasao ai le afaina o tatou tagata. Mo nisi o i latou o loo faaauau pea i se tulaga faalumaina lautele e peiseai ua na o le pau lea o se miti leaga. O a ni mea o ia i tatou e faamaonia ai e faapea e le toe tupu mai lenei mea? O a ni lesona ua tatou aoaoina mai ai? 

Afai tatou te faamaoni ia i tatou lava, o le tali e matua faigofie lava. E leai se mea, Zilch. E matua leai lava, e tusa ai ma le itu e aafia ai le malo.

O lona uiga- e matua leai lava se mea o i ai e taofia ai le isi Chen mai le uosi mai i totonu ma toe fai atoa  se isi mea uiga ese e uiga i le nono ma le toe uia o lona taualumaga faatiga. O se itu lea e faanoanoa ai mo tatou tagata ma lo tatou atunuu-aemaise ai lava le anoano o mea e igoa o “laui’a” ia o loo saofafa’i totonu o le malo.  

O lea matou te talanoa atu e uiga i tiute tauave, mautali atu ma le faimea tonu. 

O le mea malie tele lenei pe a matou mafaufau i le mataupu e uiga i lenei Chen.

O le mea moni-o le ulu o nisi o alii ofisa ua tatau ona faataavale, aemaise ai lava i latou ia na matua faamanuiaina mai lenei pisinisi. O le mea moni o lesona ua aoaoina e tatau ona liua e avea ma gaoioiga lelei ina ia lea mafai ai ona tatou toe faia lea tulaga. Ia manatua i le mafaufau e faapea  e le na o Chen le tagata na aafia ai. 

Ia manatua lea alii faatasi ai ma le ituaiga o igoa ma foliga faa-Hollywood?  O fea nei o i ai o ia? Ma o le a le mea na tupu i ana folafolaga maoa’e? 

Masalo o se tala lena mo le isi aso. I le taimi nei, ia outou maua Samoa se Aso Tofi aoga ma ia faamanuia atu le Atua!

Fe
By Faaliliu e Seagaitumua Tupuola, 09 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?