Fia maua se tane vai

IL
By Ilia L. Likou, 21 August 2017

O Eunike Va’afa’i Finau o Afega – Tai o se tinā e galue malosi mo le tausiga o lona aiga.

O le amata ai o le fa’ato’aga kapisi o se tulaga lea o lo’o taumafai ai lava i le taimi lenei mo le atina’eina o le aiga ona ua maliu le tamā o le aiga, ae e to’atolu lana fanau o lo’o  tausia i le taimi lenei.

“Ia e ui lava i se taumafai ai le taimi lenei, ae pei o le tulaga lava tau suavai o se itu faigata tele lea mo le taimi lenei.” Va’afa’i i le Fofoga o Samoa.

“O le itu mautinoa lava a leai se suavai e leiloa pe a fa’afefea ona fa’atino vaega aemaise o galuega ma le atina’eina o aiga ma le soifuaga o lo’o ua i ai nei.

“Ia o lea fo’i ua outou tau mai,  e pei ona ta’ua muamua, ia o lo’o i ai le togā kapisi o lo’o ua taumafai ai le taimi lenei ona e pei ua leai se tamā o le aiga, na ia amataina ae lea la ua ou fa’aauauina.

ADVERTISEMENT

 “Ae o lea lava le fa’afitauli  o le suavai, ma o le ala lava lea o le va’ava’ai atu ai mo se tanevai e fia maua ia ae ua utiuti lava le fa’asoa e pei ona ua i ai lenei vaitau.

Na ia ta’ua o le lau’ele’ele o lo’o i ai le taimi lenei e fai lava sina telē.

“Ia e leai lava se isi mea o lo’o mafaufau ai le taimi lenei , o le taumafai lava e atia’e aiga e ala lea i le fa’aaoga tatau o le lau’ele’ele ae paga lea o le suavai lava o lo’o fai ma fa’afitauli.

 “I lo’u iloa i ai, po o le a le taumafai e galuea’ina vaega nei mo le lelei alu i luma o aiga, ae a leai se suavai, pe le lelei fo’i le suavai maua ia e mafatia.

 “Ia e mo le silafia o se tasi o atali’i o lea fa’atoa maua se galuega, ia e mo le lelei lava...ae le  fa’apea la o le a faigaluega ona tu’u ai lea o la’u galuega i le taumafai pea ina ia una’i e va’ava’ai i le faiga o fa’ato’aga a matutua ane, ae lae e oso tatau aua lo latou fo’i lumana’i.

 “O le aiga nei , e leai se eletise, ae i a a’u ia e leai se mea o i ai lena tulaga aua e le oti se isi ona ua le mafai ona maua le eletise, ae a leai se vai, ia ua o tatou iloa uma lava le tulaga e o’o i ai.

“E pei o lea lava le tulaga o lo’o mana’omia ai lava se tanevai le taimi lenei.

IL
By Ilia L. Likou, 21 August 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?