Lē mafai ona alofia fa’afitauli

VM
By Vatapuia Maiava, 29 October 2016

Na fa’ailoa e le tinā i a Filonia Ta’amilo o Tufulele le  tele ai o fa’afitauli o lo’o ua feagai nei i le tau atina’eina o le aiga.

O se tasi o nei fa’afitauli o le la’a ai lea i taeao uma i se tasi o aoga e momoli le fanau aoga ona le leai o ni pasi aemaise o le leaga o le auala.

Ae ui i nei fa’afitauli ae na ia ta’ua o lo’o ave le fa’amuamua i le fa’aao’ogaina o lana fanau aoga.

 “Ia o lo’u iloa i ai ua faigata lava nei aso.

 “Ia e utiuti lava le fa’asoa o lo’o i ai le taimi lenei ae o lo’o taumafai lava i le mafai e gata ai.  “Ia na taumafai lava e tau sefesefe le tupe aua se paipa.

 “Ia  na totogi i le  polokalame lea o lo’o fesoasoani malosi mai i le aiga, aua e o’o lava i le ma’umaga e fai lava sina maomao i le taimi lenei.

 “Ia e amata atu lava le savaliga iinei e tau lelei i tai.

ADVERTISEMENT

 “Ou te alofa o si a’u fanau aoga ma le mamao o le aoga e la’a i ai i taeao uma.

 “Ia e pei ona outou silasila atu e fai sina maomao o le aoga e la’a i ai, o nisi o taeao ua timu ia ae le mafai ai lava le naunau e ave si a’u fanau.

 “Ia e taumafai lava fo’i le tausiga o le aiga i aso uma, ia aemaise o le mamao o le mau supamakeki, ia ae taumafai lava.

 “Ia e tele fo’i nisi o vaega o lo’o fa’atinoina , ia e faigaluega fo’i si o’u to’alua lea o lo’o fesoasoani tele i le taimi lenei.

 “O le fa’amuamua o lo’o ave lava i tamaiti aoga.

 “Ia o le itu faigata o le totogi o pili ae fiu e fa’atali le sua o le vai i nisi taimi.

 “O le tatalo lava i le Atua ia manuia si a ma fanau ma lo latou lumana’i.

“Ia matutua ane ia aua ne’i tau atia’e lo latou ola ae to’a’aga i le aoga ina ia maua le poto ma le malosi e mafai ai lava e’i latou ona atia’e o latou aiga.

“Ae po o le a le tele o mea fai, e le taitai ona ave i ai tupe, ae muamua lava le mea’ai  a si a’u fanau i aso uma, aua a fua atu ia pe $50 le tupe e fa’aao’oga ai tamaiti e to’atolu i le aso e tasi.

VM
By Vatapuia Maiava, 29 October 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?