Fa’amuamua le aiga

VM
By Vatapuia Maiava, 29 October 2016

Na filifili le ali’i talavou i a Toga Maulolo o Malie  e tu’ua le aoga ina ua Vasega 10 ae nofo e fesoasoni i le tausiga o lona aiga.

O lea filifiliga na ia ta’ua ‘e le’o se loto o si o’u tinā, po ua ou le mafaia le aoga ae ua ausage si o’u aiga, ua toe o si o’u tinā , o si o’u uncle matua ma nai o’u tei laiti le aiga.

“O si o’u aiga e lima vaivai i a a’u lava ia e sili lou nofo e fesoasoani aua ua leai nisi.

“Ia na ou nofo  loa  tōtō loa fa’i ma talo o la’u ma’umaga  aua lo’u aiga.

O lona lea fiafiaga i le taimi lenei ua 21 ai lona matua e ola e ‘au’auna ma tausi fa’amaoni i lona aiga.

“Ia e pei ona ou fai atu e ave la’u fa’amuamua i lo’u aiga, sa tele lava na fa’apea mai pe aisea, ae na ou tali fiafia lava i ai , ou te alofa i si o’u aiga.

“E tiga lava fo’i ona mana’o si o’u tinā i a te a’u ou te alu pea i le aoga aepeita’i ua ou filifili lava ou te sau e fai le ma’umaga.

“Ia lea la ua alu ai lava i le taimi lenei.

O lona talitonuga, ‘e ese’ese lava taleni na aumai e le Atua i le tagata.

ADVERTISEMENT

“Ia o lo’u iloa e le gata o la’u taleni lea ua aumai e tausi lelei ai lo’u aiga, o a’u e tausi aiga ae o lea ou te iloa fo’i e fa’amanuia mai ai fo’i le Atua.

“E talu mai lava ona fai le ma’umaga o le aiga, ia ua matua’i fesoasoani tele i si o’u aiga i le tele o mea mana’omia o lo’o tausi ai le ola nei.

“O le fa’anaunauta’iga i a te a’u, ia fa’aauau ai pea lea itu ua ou filifili ai.

“Ia o le tele lava o talo ma fa’i ia e tau le fa’atauina ae o lo’o aumai mo mea’ai ia o lo’o sologa lelei lava le tele o vaega i aso uma lava o lo’o i ai.

“O le a ou fa’amalosi pea e tausi si o’u aiga.

O le a sau polokalame i taeao uma?

“Ia ou te usu mai lava e le’i taina le ono , e tulituli mai ai ia aua nei maua le la, ia a vevela loa le la, ia ona malolo loa lea.

“Ia o aso ua alu, o aso ua malolo, aua o le lelei lava lea o le nofo ai le ma’umaga a fa’alogo atu lava ua lelava ia fai sina koma.

“Ia o a’u ou te le inupia pe ou te ulaula fo’i .....ou te iloa e le fiafia lo’u tinā pe a ou fa’atinoina ia vaega.

“Ae  o le taimi lenei ua lelei lava si o’u aiga.

“O le itu pito sili ona lelei, o lo’o fiafia ma manuia si o’u tinā.

VM
By Vatapuia Maiava, 29 October 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?