E sili lava le aiga moni

AL
By Aruna Lolani, 19 July 2017

O le olaga lenei e mafai ona e ave esea mai le tagata ma le nu’u ae o le tulag o le nu’u i le tagata e lē mafai ona e ave esea. 

O lea le manatu o Seumanu Tili o Vaiusu ma Tapatapao i le fa’atalatalanoaga ma le Fofoga o Samoa. 

“O lo’u aiga lenei. O matou ma si o’u to’alua ma le fanau e nofo mau i Niu Sila ae o lo’o loto atoa ma lo’u mafaufau i nei Samoa. 

“Ia e pei ona tagataga’i mai lenei taeao. 

Sa taua e le tamā o Niu Sila e lelei lava i le atina’eina o le aiga ae o nei lava o Samoa o lo’o iai lona loto ma lona fatu atoa. 

“Ia e leai lava se isi mea le na nanau mai i nei o le olaga filemu lava o Samoa. 

“Ua ou litaea mai i la’u galuega i Niu Sila ia o lo’o lava le masani o lo’u asiasi mai i nei ma ou te sa’u lava o’u nofo i nei le fanau si o’u tama. 

ADVERTISEMENT

“Ia pei ona tagataga’i mai o le fanau lenei e 5 eka le tele ia na’o a’u lava o lo’o nofo ai ma ou te le augata foi e galue. 

“So’o se taimi lava ou te sau ai nei Samoa ou te sau lava o’u nofo i nei aua foi e taua tele lenei fanua ia te a’u. 

“Sa ou sau muamua foi le tausaga na te’a nei ia lea foi ua ou toe asiasi mai ia ou te fiafia lava i la’u galuega fai. 

Sa tauā e le tamā e leai se vaega taua e sili atu ona matagoife nai lo le olaga i nei Samoa. 

“Ia e iai uma lava mea e mana’omia, ae o le itu pito sili ona ou fiafia ai e tau leai se vaega e alu ai se tupe. 

“Ou te manatua lava o lo’u tama lava e pito sili na tele ai lona maumaga i nei ia o le to’atele lava o tagata e omai ma asi mai ai i talo o lona maumaga. 

“E lei mana’omia se tupe o le tele lava o vaega e mana’omia e aumai uma lava le eleele. 

“Ia ou te ta’utino atu ou te fiafia lava e galue i le maumaga. Ia iai foi lenei taeao. 

“Ua fai sina faigofie o vaega ua iai nei, e le pei o ia aso sa faigata lava le olaga aua fa’apenei o lo’o galulue i gauta le maumaga pe tusa ma le 100 mita le mamao. 

“Aua sa leai ni ta’avale i la aso, ae e laki lava maua ma le si o’u tama sa ma tietie solofanua.

AL
By Aruna Lolani, 19 July 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?