E taugatā fo’i le olaga i le taulaga!

VM
By Vatapuia Maiava, 13 September 2016

O lenei vaitau ua to’atele le mamalu o le atunu’u ua si’itia mai i le tele o nofoaga i le taulaga e saili manuia ai, ma o so’o se suiga lava, e i ai lava ona itū lelei ma leaga.

E mo le ta’ule’ale’a lava  i a Kitiona Tavu’i mai le afio’aga o Falelauniu ma Falealupo, o le alu ese mai ai i Savai’i mo Apia nei, e mo’i lava ae e le’o i ai lava se suiga tele.

 “O le taimi lenei o lo’o nonofo ma le aiga i Falelauniu.

 “O la’u ia va’ai i ai , e le faigofie le fa’atau ai o vaega nei i le maketi, o le tele a o aso  ia e fa’asoloatoa ai i le maketi i le fa’atauina o vaega nei mo le aiga.

“O le tele lava o itu o lo’o va’ava’ai ai aua le aiga, ia ua mana’omia lava le tupe i le tele o taimi ma o se vaega taua tele lea.

E ui lava ina galue ai mo le 7 aso o le vaiaso, e le’o mafai lava ona a’ua’u le fa’asoa.

ADVERTISEMENT

 “O le taimi , ua na’o le selau tala lava e mafai ona maua i le vaiaso.

 “Ia ae a fa’aletonu lava le vaiaso, ia na o le $50 lava e mafai ona maua…o si o matou aiga ia o le fa’afitauli o lo’o feagai ai o le leai o se tanevai.

“A leai lava se vai ia ua tatalo i le Atua i se timu pe ki vai mai fo’i i se tasi o aoga o lo’o matou latalata i ai.

“Ua tele le mana’o e ta’i se paipa , ia ae e ta’u sa’o atu lava e le lava se fa’asoa.

 “O le ese’esega o le olaga i nu’u i tua ma le taulaga, o nu’u i tua e le mafai ona maua ai se tupe.

“E mo’i lava i le olaga i tua , ia ae mana’omia lava se seleni i taimi uma, ae a fai fo’i se fale’ie e fa’atau ai fua o fa’ato’aga, ia e le maua lava se tupe lelei e pei o iinei le taulaga.

 “E mo’i lava iinei, ae lea o lo’o maua lava nai senesene mo suka , masima ma nai isi tulaga.

“Ua taugata lava le soifuaga o lo’o ua i ai nei, o le mea moni lava e le mafai ona falō e le $100 lea e maua le tausiga o le aiga i le vaiaso.

“E tatau lava i le malo ona silasila ia laugatasia le au mauoa ma e o lo’o leai ni oloa i la latou fa’asoa.

VM
By Vatapuia Maiava, 13 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?