E lē na’o tupe e mafai ona fa’amoemoe i ai

VM
By Vatapuia Maiava, 13 September 2016

“O lo’o solosolo lelei mea uma i tua nei i so matou afio’aga.” Le tamā i a O le finagalo lea o Tologata ina ua fa’atalatalanoa e le Fofoga o Samoa.

“O lo’o lagona le fiafia i le tele o taimi, e leai se mea o fa’aletonu i lo matou aiga, o lo’o maua pea le manuia mai le Ali’i.

 “O le tulaga o lo’o i ai , o lea e atia’e lava e a’u ia lo’u aiga, ma e lagona le fiafia aua e leai se mea e fa’apopoleina ai fua i le tele o le mau mea.

“O le a le mea e maua mai i lea aso i lea aso, ia o lena lava, o le maua lava o le loto fa’afetai ma talia.

O Tologata na ia fa’ailoa i  le Fofoga o Samoa ua na’o ia ma le tinā le aiga.

ADVERTISEMENT

“Na’o ma’ua lava, o lo’u to’alua o lo’o nofo i Apia e va’ai ma tausi lo’u tinā o lo’o i ai, ia o le tele o aso ua na’o a’u le aiga, ia e filemu mea uma. 

 “Ia ae o le taimi lenei ua le tutusa ma le fa’atoaga i aso ua alu, ae e le avea lea ma se itu e popole tele ai.

 “E matou te le fa’alagolago tele fo’i i aiga i fafo e lafo mai ni tupe mo matou, o lea lava e atia’e lava matou ma o le mea lava e mafai ona maua mai, ia o lena lava.

 “O lo’o silafia lava e le Atua mea uma, a mativa, ia o lae silasila ma fesoasoani mai, ae e ta te alu loa e su’e mea’ai i se aiga, ia iloa loa iina e tagata o lo’o fia’ai.

 “O le olaga ia i tua nei e leai se mea e popole ai fua.

“E pau lava le fa’afitauli , a ou alu i se mea , e fo’i mai ia ua leai le ipu mafolafola, leiloa le naifi…nai mea fa’apena.

 “Ia o le taimi lenei ou te leiloa le tau o le soifuaga aua  o a’u ua fa’amavae mai le fa’atau mai oni mea’ai mai faleoloa.

“O lo’o lelei lava le faigamalo i le taimi lenei, e pau lava le tulaga e tatau ona o tatou faia o le to’a’aga e tatalo.

VM
By Vatapuia Maiava, 13 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?