Fa’afetaia Tuaopepe le tapuaiga a Samoa

21 April 2018

(OFISA SO’OUPU) Ua toe taliu mai i fanua le Au Siisii Uamea Mamafa a Samoa lea sa auai atu i Taaloga o Malo o le Tapulega lea sa faatautaia i Gold Coast i Ausetalia.

O le vaiaso na sei mavae atu lea toai taunuu ai i laufanua o le atunuu le Au Siisii.

I le feiloaiga a le Nusipepa o le Savali ma le Faiaoga o le Au Siisii Uamea Mamafa a Samoa, Afioga Tuaopepe Jerry Wallwork lea na ia saunoa ai e faafetaia le tapuaiga a Samoa atoa, a o alo atu tama fanau a le atunuu i le sailigamalo sa faia i Ausetalia.

“Faafetai tapua’i, lea ua a’e manuia faiva o alo ma fanau o le atunuu, foi le viiga i le Atua.”

Na saunoa le Afioga ia Tuaopepe e faapea, o le masii a le au a le atunuu, na o lava e tausinio ina ia maua se ai mo le tapuaiga a le atunuu.

Faiaoga o le Au Siisii Uamea Mamafa a Samoa, Tuaopepe Jerry Wallwork.

E ui e lei manuia nisi o taumafaiga a le tatou Au i pine auro, peitai o le agaga faafetai ona o taumafaiga na oo iai le taumafai a ia alo o le atunuu, o le faaopoopo lea a le Afioga ia Tuaopepe.

ADVERTISEMENT

“Faafetai i le Atua ona ua taulau o le faamoemoe, lea ua toe fo’i mai le tatou Au ma le manuia.”

Na faaalia e Tuaopepe o loo iai le faamoemoe a faaolatia mai le alii o Lauititi Lui lea na faamanu’alia ma se tasi o faiaoga a le Au, ona saunia lea o se fiafia e faamanatu ai taumafaiga a alo o le atunuu sa auai atu i Taaloga o le Taupulega a le Au Siisii Uamea Mamafa.

“O loo iai le faamoemoe e fai sina a matou taumafataga i le po poo se bbq foi e faamanatu ai foi taumafaiga a le matou Au.”

E lei aveesea ai le agaga faagaeetia o le Afioga i le Faiaoga e pei ona ia saunoa ai, o se tasi lea o faaiuga o taaloga faamalieina mo le Au Taaalo a Samoa, aua talu lava ona auai le Au Siisii Uamea Mamafa a Samoa i Taaloga o le Taupulega, e faamanuiaina lava taumafaiga a le Au i pine auro ma pine siliva poo pine apamemea.

A tagatagai foi i le faatulagaina o atunuu o le Taupulega lea sa tauva i taaloga i totonu o Gold Coast i Ausetalia, o Samoa o lona tulai mai i le tulaga 17 o atunuu na faamanuiaina i pine.

O le taimi nei e pei ona saunoa Tuaopepe o loo fai malologa a le Au, ona toe tapena ai lea mo isi taaloga o loo loma i le vaega matutua.

Peitai o le alii o Don Opeloge ma le tamaitai o Feagaiga Stowers o le aso a taeao, Aso Lua 17 Aperila 2017, o le a toe amata ai a la toleniga e faasauni atu ai mo Taaloga o le World Junior Championship i le masina o Iuni i le taaloga lava lea o le Siisii Uamea Mamafa.

Peitai o loo talia foi e le Susuga i le Faiaoga aemaise i laua sa faamanuiaina i pine auro o Taaloga o le Taupulega 2018, se fuafuaga a le Malo.

E pei ona saunoa Tuaopepe, o lea vaega e patino lava i le Malo pe maua ni faamanuiaga mo i laua na maua pine auro i ia Taaloga.

Ae mo le taimi nei, faafetai tele lava Samoa mo lau tapuaiga lea ua a’e manuia ai faiva o alo ma fanau sa tauva i le taaloga Siisii Uamea Mamafa, i Taaloga o le Taupulega i Gold Coast i Ausetalia i le vaiaso na sei mavae atu.

21 April 2018

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?