TALA FAASOLOPITO O SAMOA-SIAMANI SAMOA

FN
By Fuimaono Na'oia Fasavalu Touli F. Tupua, 29 July 2016

“E itiiti lava ni lautusi o le Tala Faasolopito o le lalolagi atoa-na vave ona faatauaina, e ui ina itiiti i lona tino mai, ae sa matua atoatoa e tusa ai ma lona tulaga-ma e matua tamaoaiga lava i lesona tau polokiki. O se malo atoa i atunuu ese-sa vave ona maua ma toe mamulu atu mai ia Siamani- i totonu o se auga-tupulaga e tasi.

E ui lava ina o le vaevaeina  o Samoa i le 1900 i le va o Siamani ma Amerika-sa le’i maua ai e Siamani sana teritori tausi faa-kolone muamua; ae o le le faamanuiaina o le ‘Samoa Subsidy Bill, lea na faaulufale mai e Chanellor Pisimaka i le 1879- e aveese ai aia tatau a Goddefroy, ae o se faa-ta’imua lea i faiga faavae tau kolone a Siamani-ma sa faamaonia ai e faapea o le faatinoina atoatoa lea o lea faamoemoe.

O i latou na teena le fesuiaiga o le faiga faavae tau kolone a Siamani-na aliali mai i le luasefulu tausaga mulimuli ane ai o le 19 senituri- ma sa aofia ai mana’o o tagata o le atunuu- ma le tuputupu a’e tau tamaoaiga- lea sa lagolagoina e le agaga fou o le loto atunuu, faalauteleina o gaoioiga a vaa-tau ma le lalolagi atoa-ina ua mavae feeseeseaiga ia na soso’o ai ma le faaeaina o Kaisala Viliamu II.

O Dr. Wilhelm Solofa na siitia lona tulaga ma avea ai ma Kovana i le aso 1 o Mati 1900-ma o lea na ia sisi ai le Fu’a a Siamani i Mulinuu-lea o loo vaaia ai pea le nofoaga o lea Fu’a na fau i ma’a. Sa faaauau pea ona avea o ia ma Kovana se’ia aulia le 1910-ina ua suitulaga ia te ia le Faamasino Sili, o Dr. Erich Shultz.

ADVERTISEMENT

O uiga tausaafia o Solofa i le atunuu ua avea ma kolone -na faaalia i fuaitau nei-“O se faiga lelei faa-kolone, e le faapea ua na o le faaaogaina o ia atunuu e tusa ai ma mana’oga o latou atunuu, ae faapea foi le galulue faatasi i se galuega tele-lea e faaleleia ai tagata-ina ia tuuina atu o latou loto e faatino ai mea lelei mo tagata o ia teritori-le galuega tau le aoaoina o i latou faale-agaga ma le soifuaga ta’ito’atasi, faatasi ai ma le faia o ni aiaiga mo latou atiina a’e tau le tamaoaiga- faapea foi ma le lagolago mai- ina ia ‘ausia ai se tulaga maualuga-tau le atiina a’e faale-tagata.

O se tasi o sauniga taualoa muamua- ina ua mae’a ona avea Samoa ma kolone o Siamani-o le tatalaina lea o ma’a faamanatu e Solofa, ia na foa’i mai e Vaatau a Peretania ma Amerika- mo seila ia na maliliu i Fagalii i le 1899-i le faagasologa o le taua mulimuli a tagata o le atunuu- ma le taua ma malo o le lalolagi. O lea ma’a faamanatu na faatu e latalata i le Maota o le Peresetene i Mulinuu ma ua faaalia ai le faaleleiga ma le faiga-uo i le va o malo tetele. O loo tumau pea lea ma’a faamanatu-ae peiseai ua lafoa’ina ma ua i se tulaga leaga.

Na fautuaina le Malo Tele e Tamalii o le Atunuu ma le Fono a le Atunuu- ma sa faamaonia ai loa lava le taofia loa- o le toe faatauina atu o eleele o le atunuu e Papalagi ia o loo nofoia fafo ane o le “Eleele Sa” i Apia.  E itiiti se fesoasoani na maua e Siamani Samoa, ae o le Malo Tele mai le 1900 i le 1907-na ia maua se tupe faasili e matua tele-lea na toe faafo’i atu i le pulega tu-totonu.

E o’o mai i le 1914, o le 50% o oloa auina atu i fafo a le kolone-sa auina atu i Siamani, 40% i Ausetalia ma le 5% i le Iunaite Setete, ae auina atu e Ausetaralasia le 60% o ana oloa auina atu i fafo-faatusatusa i le 15% mai Siamani. E o’o mai i le 1914, e 2,200 tagata Saina ua i totonu o Siamani Samoa, ae o le faitau aofa’i o Papalagi-sa le mafai lava ona sili atu i le 600, ma i le 1905-o le aofai atoa o tagata Papalagi i totonu o Upolu-sa na o le 340, o le 56% o tagata Siamani, 26% o tagata Peretania ma le 11% o tagata Amerika.

Sa popole le pulega a Siamani i le siitia o le o mai sa’oloto ma le nofoia o Samoa e tagata Saina. O le pogai lea na faavaeina ai se Ofisa o le Konesula o Saina i Apia i le 1910, ma maua ai se maliega i le 1913- e faataga ai le toe aumai o tagata- e ala i le faaleleia o totogi o tagata faigaluega, mea’ai ma fuafuaga tau le lisiina o fanua. O Pisinisi sa faafoe e tagata Saina matutua ua nonofo iinei, e aofia ai Ah Sue, Ah Mu ma Ah Soon-ia na afaina i se afi-ae le’i leva ae toe tulai mai ia pisinisi i le ala i Taufusi ma Saleufi.

O le Fanua Tanu o Saina i Talimatau, le Fale Tamea o Leung Wai, le fale muamua na fausia i le sima i totonu o Samoa, na fausia i le 1920 ma e foliga mai o le faaauauina lea o le tofi tau le fausia o fale o Saina I Apia. Na fausia e Harry Moors se fale uiga ese tau fefaatauaiga/ma faamautu i ai i le itu i sasa’e o le Vai i Vaisigano i le 1906- i le tulimanu lea o le ala i sasa’e-lea na fausia e Mr. A.Kenison ma faatau atu ia Burns Philp i le 1913. Na fau e Nelson & Son se fale laupapa fou fogafale-lua i le 1909 i lona nofoaga tuai i le itu i sisifo o le Central Hotel.

O le 1910 na faatino ai e Mr Fabrisius & Moore ni faaopoopoga tetele i fale o a la pisinisi sa i ai ma o le 1912 na fau ai e le DH & PG se fale faaopoopo i Sogi ma o le 1914 na fau ai e Mr Huch se faleoloa fou e faafeagai ma le Central Hotel.

FN
By Fuimaono Na'oia Fasavalu Touli F. Tupua, 29 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?