Ole auala i se olaga faigofie e ala mai ile galue malosi

LH
By Lizzy Hunt, 18 August 2017

E ui ua toatele tagata oloo latou faaalia ua taugata lava le tau ole soifuaga ae eleo se manatu lea ole tama ia Sa Mamea.

Ole tama lenei e 38 tausaga le matua mai le nuu o Aleisa ma olona tala lava ina ia galue malosi uma tagata ina pea fai e faafaigofie meauma.

E malamalama lelei le tama lea ia Mamea i le auala mo se olaga faigofie faapei o ia lava o se faatoaga ma se fai lafumanu.

Na maua se taimi e fa’atalatalanoaina ai ele fofoga o Samoa le tama ia Sa ao ia agai atu e aumai ni ona tipolo mai le faatoaga .

“Na ou ola mai lava au o avea ma se faifaatoaga, ma ole mea lava lea olea ou faia lava, e galue ile faatoaga e toto meaai.” O le tala lea a le tama ia Mamea ile fofoga o Samoa.

“Ma i le taimi lenei oloo ou galue o se faifaatoaga  mo se tasi o aiga i totonu o si matou nuu.

ADVERTISEMENT

“Oute iloa a ou le galue i lea galuega, ou te galue lava au mo lo’u lava faatoaga.”

E leo au Mamea i le tala a tagata e fa’atatau ile taugata ole soifuaga.

“Afai e taugata le tau ole soifuaga ia te oe o lona uiga e te leo faia se meaaoga i lou olaga.

“E tatau ona iloa uma e tagata ole tau ole soifuaga e ala mai lea ile galuega tatou te faia.

“Mo au, e ui o loo iai lou faatoaga, ae oloo ou alu lava e sue seisi galuega  ina ia mafai ai ona lava se tupe ou te mauaina aua le tausiga ole tino.

“E tusa poo le faamamaina o fanua poo le vaai foi, e tusa pe faigata, oute faia lava ona ole ala lava lea e maua mai ai se seleni aua le tausiga o aiga.

“Il lenei oloo tatou iai, e le faigofie ona tatou o ese mai ai, ua nao le pau lava le auala e faigofie ai ma taugofie ai meauma i le olaga ole galue malosi, o lou fautuaga lea i aiga uma ina faaoga lelei o tatou eleele

“fa’aoga e toto ai meaai ma isi meatoto; o mea lava ia mo le lumanai o o tatou fanau.”

LH
By Lizzy Hunt, 18 August 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?