Ia fa’aaoga ma le tatau!

SS
By Sarafina Sanerivi, 19 January 2017

“Ia o a’u ia e aoga lava le tele o le mau suiga o lo’o ua i totonu o si o tatou atunu’u.”  Ta’alolo Tikeri 38 le matua o le soifua o Vailima.

Na maua le fa’atalatalanoaga ma le Fofoga o Samoa i le aso ananafi ma na ia fa’ailoa ai le tulaga lelei o lo’o ua i ai nei suiga fou tau tekonolosi o lo’o ua i Samoa. “O a’u ia e leai se itu e leaga ai vaega nei  e pei o telefoni ia ma facebook e pei ona ua i ai le atunu’u lenei vaitau.

“O lea lava o lo’o i le lalolagi e ta’avilivili a faiga ae tumau pea fa’avae, ma o se itu e ao i nai o tatou tagata ona malamalama i ai.

“E ui lava fo’i ina o tatou fa’alogo i le tele o le mau tulaga e pei ona ua i ai nei ae leai se isi e  fa’apea ona mafai ona toe tete’e atu.

“Ua sau lava le mau suiga ma mea lelei ia ma mea fa’alelelei.

ADVERTISEMENT

O lonatalitonuga o lo’o ua matua’i fesoasoani i le tele o le taumafaiga o le mau atina’e i Samoa.

“Ia e pei o nei aso ia ua na’o le saofa’i lava ae fai uma e masini mea uma, e leai se mea e popole ai fua.

“O lo’u ia iloa i ai, ma e ao ai lava ona nofo malamalama i ai, se’i fa’aaoga tatau ia nei auala o feso’otaiga televavave ua i ai.

“E tatau lava ona o tatou fa’ailoa atu i tagata i atunu’u i fafo , e leai se tulaga fo’i lea e tatau ona o tatou alo ese mai suiga nei.

“Ae ao lava ona fa’aaoga lelei ma le tatau nei vaega uma aua le aga’i luma ole atunu’u.

“E pei o lo’u iloa i ai, o nai o tatou tagata e fai atu loa sia mea fou e manaia ma fai ai le sa’olotoga ona so’ona fai lava lea.

“E galo nimo a uma ona fa’aleaga, o lo’o i ai le ‘a’afiaga ai o le isi uso a tagata, o le mea fo’i lea e ao ona silasila lelei ai latou o lo’o malu puipuia ai vaega nei.

“E ao fo’i ona fa’amalosia tulafono ma ta’iala o lo’o ua ma’ea ona fa’ata’atia mo i latou e fa’aaogaina ma le sese tekonolosi o lo’o ua tatou i ai nei.

SS
By Sarafina Sanerivi, 19 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?