Manatu O Le Fa’atonu - O se Tofi Tuu-Faasolo tatou te le fia tuuina atu ia tatou fanau

MK
By Mata'afa Keni Lesa, 03 July 2016

I se taimi e le’i mamao tele atu ina ua lapata’ia e le International Monetary Fund (I,M,F,) Samoa e uiga i le “faatupula’ia pea o lana aitalafu,”sa le toe taofia e le Palemia o Tuilaepa Sailele Malielegaoi se mea. O lana tali e faigata ona faagalo

 “E i ai foi o matou fai’ai,” o lana tali vave lea. “E le tatau ia i matou ona aumai loa folo (soo se fautuaga) e tuuina mai. E tatau ona faaaoga o matou mafaufau ma fai se faaiuga e sili ona talafeagai ma lo matou tulaga.”

O lea tali a le Palemia e faasino lea i le ofisa sinia tau tamaoaiga a le I.M.F., o Geoffrey Bannister, lea na una’ia le malo ina ia faaitiitia le faateleina pea o soo se isi aitalafu.  “Ua tali mai le malo o Samoa i se tulaga talafeagai ina ia faateleina tupe alu mo le maua mai ma le toe fausia ona o le tulai mai o nai mea tutupu i fafo, e aofia ai le tulaga faigata tau tupe i le lalolagi, le tsunami ma le afā,” o le faaaliga lea a Mr. Bannister. Ae ui o lea, o le aitalafu a le malo ua vave ona faateleina i nai tausaga talu ai nei ua mavae atu, ua tulai mai ai faafitauli i le tulaga tau le faatumauina ma tuua ai sina avanoa itiiti e fo’ia ai faalavelave i le lumana’i. O lea la ua tatau ai ona toe amata se taualumaga tau le faifai malie ona toe faamautuina, i le taimi lava e toe maua ai le toe maua mai.”

“O le toe faamaopoopoina i se tulaga vaaia” i se tasi itu e faasino i fuafuaga ua faatulagaina e faaitiitia ai le aitalafu o loo tauaveina e se malo poo se pisinisi. I se tasi faaupuga – a e aveese upu uma ma faamatalaga tau le va fealoa’i-o le mea moni-o loo ta’u mai e le I.M.F. ia Samoa ina ia taofi le toe nonoina o tupe na te le mafai ona toe totogi. Poo le faapea-o se mea lena e mafaufau i ai soo se tagata lelei. I le taimi nei la, i lenei lava aso-o lea aitalafu o loo faateleina pea. E ui lava ina le mafai ona tatou mautinoa le fuainumera aloa’ia, ae o le fuainumera sa fetogia’i solo i luma ma tua i le faagasologa o felafolafoa’iga tau polokiki-e $1.5 piliona-ma o loo faateleina pea. O nisi puna o faamatalaga fai mai e ono mafai ona sili atu. 

Ae poo le a lava le tulaga sa’o, o le faigamalo a Tuilaepa e manino mai ua matua fulitua lava i le lapata’iga a le I.M.F.-ma o se tulaga lea e le faate’ia ai tatou. I lea taimi, sa finau mai lava le Palemia e le o le aofai o le aitalafu a le atunuu-e tatau ona popole i ai. Ae o le mafai e le atunuu ona toe totogi le aitalafu. Ona ia ta’utino mai lea e faapea o le mafai e Samoa ona toe totogi le aitalafu, o loo tulaga lelei, fai mai o loo maua e le atunuu le anoano o tupe maua e totogi ai le aitalafu. O le lapataiga mai ia Mr.Bannistere e le o le taimi muamua lea ua lapata’ina ai Samoa e le I.M.F. I le 2013, sa lapata’ina foi e le I.M.F.le malo ona toe tua i le faiga o nisi “faaunegatupe mai fafo” I luma atu o lena taimi- sa valo’i foi e le Faletupe o le Lalolagi e faapea o le faaunegatupe a Samoa pe a fua i le Aofai Atoa o Oloa Gaosia i totonu o Samoa-e gata i le 65 pasene E tusa ai ma le Faletupe o le Lalolagi, o le aitalafu a le malo e tusa ai ma le faatulagaina o le Aofai o Olo Gaosia i totonu o Samoa ua faateleina mai le 34 psene i le 2007-2008 i le 62 pasene i le 2012-2013, ua siitia mai le tulaga lelei i le tulaga lamatia maoa’e  ona o faatiga tau aitalafu. Tamaitai e ma alii, o faailoilo nei e matua faapopoleina ai. E leai se tatou mea e mafai ona fai i ai ae mafai faapefea e lenei atunuu-lea o loo matua tauivi lava e pei ona i ai nei, ona ‘eli ese tatou i fafo mai lenei pu.

Ina ia fai la le amiotonu i le faigamalo, o loo taumafai. Ma e tatau lava ona latou maua le tatou lagolago mo le faia o ni gaoioiga lelei e maua ai tupe maua “ e faatosina mai tagata mai fafo e teu faafaigaluega a latou tupe. Ua matou fai atu faapena ona o teugatupe faafaigaluega i fafo e lelei ona faatino e faaaoga ai faiga faavae lelei e fetaui ma faiga faavae lelei faale-aganuu, e mafai ona fesoasoni e faaleleia le tamaoaiga e ala  i le faatinoina o avanoa tau galuega.

ADVERTISEMENT

O lenei faiga o le a maua ai le anoano o isi faamanuiaga mo tagata o le atunuu. Mafaufau i le tafe mai o tupe faavae fou, tekonolosi ma saofaga tuusa’o i tupe maua a Samoa mai oloa e auina atu i fafo e totogi ai le paleni o tupe totogi ua faaitiitia ma isi mea..Ae peitai- o mea uma lava e i ai lona tau. O le Tulafono o Teugatupe Faafaigaluega tau Sitiseni o se tau maoa’e lea o le a totogi e o tatou tagata. Na faaulu e le malo ma pasia e le Palemene talu ai nei, o lea tulafono fou ua fuafua e faatonu ai sitiseni e ala i teugatupe faafaigaluega i tagata mai fafo ia latou te faamalieina aiaiga. 

E tusa ai ma le faaupuga a le Palemia o Tuilaepa, ua na o se “lole” e faatosina mai ai tagata e teu faafaigaluea a latou tupe i Samoa.  O se mea moni lea? Mai le fea taimi na avea ai o tatou sitiseni ma lole? 

Ua outou silasila la, a tatou talanoa i sitiseni, o lea tatou te talanoa e uiga i le fatu o Samoa. O lea matou te talanoa atu e uiga i o tatou tofi na fananau mai ma tatou, o lo tatou tofi mai le Atua. O nei oloa taua e pa’ia, e le o ni lole. Poo le a lava le felanulanua’i o le gagana e faaaoga e le malo e ta’u-amiotonuina ai lenei mea faavalevalea, ua faigata lava ona fulitua i le manatu e faapea o le avea ma tagata Samoa- o lea ua mafai ona faatau.

Na faapefea ona tatou taunuu i lenei tulaga?  O fea na tatou lape ai? Matou te manatu ua maua so matou manatu. O le siitia mai le tulaga o se atunuu e maulalo lona atiina a’e talu ai nei, o lea ua maua ai e le malo le matua faigata o le faagasologa faatasi ai ma ia lu’itau uma tau le “tulaga ma faiga faavae.” Faatasi ai ma se tupe pa’ū maoa’e tau tala o le tupe, le lava o galuega ma le toetoe lava leai ni oloa e auina atu i fafo, o le a la le mea e tatau ona e faia? Ma e le ona pau ai lena. O le faatiga tau le totogiina o le aitalafu a le malo e tusa ai ma le fua o le Aofai Atoa o Oloa Gaosia, lea ua i le maualuga tau faamata’u e 65 pasene, ua i lalo le malo i se tulaga faigata e matua tele tau le mautinoa o ni aua fou e maua i tupe maua. Ia-o le a la le latou mea o fai? Ia, faamata e tatau ona toe faaali atu nisi mea? 

Uso e, o lenei tulafono e le o se gaoioiga lelei lea e maua ai ni tupe maua.” O se gaoioiga lenei o le tulaga pagatia a le malo lea ua leva ona liliu lona mata tauaso i “faiga pi’opi’o,” “pulega leaga” ma le “faaaoga sese o tupe ma alamanuia, ”  o lenei tulafono e le o se gaoioiga lelei lea e maua ai tupe maua, ma ua faataga e matua faasaolo solo mo se taimi uma-ma o lea ua avea i le taimi nei ma o lea ua toe foi mai e tuli aufulu i latou i faiga uiga ese. I le taimi nei la-tatou foi i tua i na faaupuga ta’uta’ua a le Palemia. 

 “E i ai foi o matou mafaufau,” o lana faaaliga lea. Matou te le masalomia lenei tulaga mo sina minute talu ai-ua matou iloa, ua tumu le malo i tagata e sili ona atamamai ma ni tagata aoaoina ua faamaonia. E pei lava ona mitamita le Palemia o Tuilaepa e faaaliali mai, o i latou uma lava o lauia tetele. E matua uiga ese.. Ae o loo i ai mea moni mo tagata uma e silasila i ai ma o ia mea e matua uiga ese. O tatou eleele ua lamatia mai faiga faavae e una’ia e le fia maua o se mea, o a tatou mea tautele e pei o suafa matai ua tafea lo latou aoga talu ai-ua tuuin atu i soo se Toma, Dick ma Harry lea e sau i Samoa na ma faaaliali mai ana tupe; ma i le taimi nei-o a tatou sitiseni ua mafai ona faatau. O atagia i lenei mea le faaaogaina ma le poto o ia mafaufau tetelē o loo ta’ita’ia Samoa i aso nei? E tofu i tatou uma lava ma tali eseese. Ae i lenei lava Aso Sa, matou te loto ia outou mafaufau i le lumana’i o lenei atunuu.Matou te loto ia outou mafaufau i outou alo, la’u fanau ma le Samoa latou te maua mai ia i tatou.. Matou te mananao e faamanuia i latou ma tuu atu ia i latou se tofi e mafai ona latou mitamita ai.

.Matou te le manaomia a matou fanau, latou fanau ma fanau a latou fanau e tutupu a’e ma aisi ma le aitalafu maoa’e o i fafo i luga o latou ulu, lea o le a latou maua ai-o i latou o ni sitiseni tulaga lua i totonu o lo latou lava atunuu. O le lumana’i lenei matou te le manaomia.

Ia outou maua Samoa se Aso Sa o le malolo lelei, ma ia faamanuia atu le Atua!

MK
By Mata'afa Keni Lesa, 03 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?