Faigata le olaga o le leai se suavai

AL
By Aruna Lolani, 16 July 2017

“O le tulaga lava ia i le suavai ua fia sefulu tausaga talu na leai se suavai,” le tinā ia Filiga Ta’alo o Leulumoega Uta. 

“O le lava le fa’afitauli ua tausaga ai nei o le fa’aletonu o le tulaga i le suavai. 

“Ia pei ona tagataga’i atu le tou polokalame, ia le feau masani lava lena o le la’uina mai o le vai i gatai. O le fanau lava e gafa ma le la’uina mai le vai i aso uma. 

“O le itu e faigata ai e le’o iai se tane vai e sefe ai aua le vaiaso atoa, ia o lea lava le tulaga o lo’o iai nei e aso uma lava le la’uina mai le vai. 

“O matou e mamao mai a ma le aai le matou fale o le faigata lava lenei galuega e fai i aso uma. 

O le suavai sa ia taua e mo tagata uma e o se vaaiga fa’anoanoa ona e le’o tofu aiga i Samoa ma le suavai. 

ADVERTISEMENT

“Sa talosagaina le suavai, peitai e le’o mafai ona o’o mai le paipa i uta nei. 

“O le aai la lea e ola mai ai le vai ae o na foi na e gata mai ai le tosoina o le vai a le malo.

“Ia o le matou aiga a ia e faamoemoe lava ile vai mai le timu ile tele o taimi.”

E fesoasoani tele la’u fanau ia te a’u i le maumaga ae le gata i lea o le suavai. 

“O le fa’afitauli o le leai o se vai i nei le matou pitonu’u ua fai tele si leva ma ua pagatia foi lenei itu i le fa’afitauli. 

O lea foi e vatu ai se talosaga i le malo ina ia fa’amolemole a ia le mafai lava ona iai se isi faiga i le vai ae sei fa’atoai mai ni tane vai mo nei aiga. 

“O le naunautaiga lava ia te a’u ia maua se suavai, o lenei olaga e lelei lava mea uma ae a leai se suvai ia le mafai ona ola se tasi. 

“E taua tele le vai i olaga i o tatou tagata ma e ao foi o le malo ona va’ai alofa mai le naunau atu i se suavai.  

AL
By Aruna Lolani, 16 July 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?