Manatu tasi lava... O le ta’aloga togitogi

15 May 2016

Sa i ai se ali’i ta’uta’ua i le tulaga fo’i lea o le mafai ai ona velovelo i luga ni apu po o ni polo fo’i i se taimi e  tasi.

O lenei ali’i e sau mai Italia ma na avea le ta’uta’ua ai o ia i lea ta’aloga ma auala na lauiloa ai o ia i vaega uma o le lalolagi. Ina ua fa’asolo la ina matua lona soifua ma ua amata ona litaea mai lana galuega lenei lea na tele ai ana tupe na maua mai ai, o iina na amata ai loa ona ia alu ma fa’atau uma ese mea sa i a te ia, ma ia fa’atauina ai se taimane anagata ona toe fo’i loa lea i lona atunu’u.

A’o i ai la o ia i luga o le va’a mo le toe fo’I atu ai I lona atunu’u, sa ia fa’ailoa ai I se tamaititi lana taleni ma na avea lea ma ala na lolofi ane ai le to’atele o tagata e fia matamata i a te ia.

ADVERTISEMENT

Na avea lea ma ala ua matua’i fuli ai o ia e fa’aofo tagata sa i luga o le va’a i ana gaioiga.

Na ia tamo’e i lona potu ma aumai lana taimane lenei ma ia fai i tagata o le a ia togi i luga, o le taimi e togi ai o le a le toe va’aia ai i nai minute, fa’atoa toe iloa ai loa aepeitai na togi atu i luga ae fa’afuase’i ona minoi le va’a ma pau atu ai lava i lalo ma e le’i toe maua lava.

O le aveese mai ai o se mea taua mai i a te oe na e mauaina mai ona o au galuega i lou ola atoa, o se mea faigata tele lea. Ioe o le tele lava o i tatou e pei lava o le ali’i lenei.

E tele mea tatou te faia ma lo tatou manatu fa’amaualuga e leai se mea e ono sasi ai fua ma e leai se tulaga leaga e ono alia’e mai, aepeita’i e sese tele nei manatu. E na o le pau lava le mea e mafai ai ona o tatou i se tulaga malu puipuia lelei ina ua o tatou Aao o Iesu ua na’o Ia fo’i le ala.

Mo le ofoina atu ai o lo tatou ola e ao ina o tatou tu’uina atu mea i lo tatou Alii Faaola ua na’o ia lava tatou te maua ai le filemu…Mafaufau Tasi lava

15 May 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?