Fa’ata’ita’iga lelei

By Ulimasao Fata 01 November 2017, 12:00AM

O le Tama o le aiga o le na te faia fa’ata’ita’iga lelei mo lana fanau.

Na taua e le Tama ia So’o Vili mai le afioaga o Fasito’o-Uta, “O le Tama o se Tagata e silafia lelei ma ma’ilo’ilo lelei ia galue malosi lona atali’i.”

Na feiloa’i atu le Fofoga o Samoa ma le Tama ia So’o Vili a’o fa’amae’aina le faatauina o lana ulo koko esi i le taeao anmanafi.

Na taua e le Tama ia So’o Vili o lana auala lea o lo’o maua ai lana seleni aua le tausiaina o le latou aiga, aemaise sana ia lava fa’amalositino.

“O lata lava lea masani i taeao o aso uma lava, o le fa’asavaliina lea o le ulo koko esi ia maua ai se seleni o le aiga.”

“Ia e aoga foi lenei galuega e fai ma a’u fa’amalositino ia maua ai e le tino le ola malosi ma le fiafia.”

Na taua foi e le Tama ia So’o Vili o ia e to’afitu lana fanau ae to’atasi o lo’o i Niu Sila, ma le toatolu o lo’o i Samoa.

“O le isi to’atolu o lo’o fa’apena lava ona aooga e o’o mai i le taimi nei ia a’o le ulo koko esi o lo’o faapena ona fesoasoani malosi aua le totogiina lea o latou pili aoga.”

Na ia taua foi o lo’o ia naunau ina ia galulue malosi foi lana fanau pei o ia.

“O lo’o iai le naunautaiga I le fanau ia matutua a’e ma ola galulue malosi pei o le latou Tama.”

Na ia saunoa foi o le tau o le soifuaga ua iai nei Samoa ua matua taugata lava ae ua leai lava se mea e mafia ona fai iai.

“E leai lava ma se mea e mafia ona tatou fai atu i le tau o le soifuaga ua na’o le galue malosi lava mo le aiga.”

“E na’o le tatou fa’agaulemalie lava ia ae fa’ataligatuli mai pea le malo ia tatou ,a tatou manatu.” 

By Ulimasao Fata 01 November 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.