Faalia e le S.N.P.F. le fua faatatau o tului

26 June 2016, 12:00AM

O se tala fiafia lenei mai le Komiti Faatonu o le Faaputugatupe mo le Lumana’i Manuia o Tagata

O Ananafi na faalauiloa ai se fua faatartau o tupe tului e 7% mo ona sui auai e tusa ai ma lenei tausaga faale-tupe na faai’uina i le aso 30 o Iuni 2016. O le tului e 7% o le a faaaoga e le Faaputugatupe mo le Lumana’i Manuia o Tagata, le Faaputugatupe Faale-Tulafono o le Malolo Litaea ma le Faaupugatupe Tau Aoaoga.

O le tau atoa o le tului na faalauiloa i lenei tausaga faale-tupe e $32.1 miliona na faatupeina mai ana tupe mamā ma’oti o le tausaga. 

O le tupe tului i tausaga uma na faalauiloa o le a tuuina atu i teugatupe o loo faaalia i luga pe a tapuni pisinisi i le aso 30 o Iuni 2016. 

O le paleni o Saofaga e pei ona i ai i le aso 1 o Iulai 2015-o le faavae lea mo le fuafuaina o le tului na faailoa atu ae vagana ai e faapea e leai ni tupe na tala i tua i totonu o lenei tausaga faale-tupe.

FAAOPOOPOGA MULIMULI O SAOFAGA LAITI 

E pei ona fautuaina i le tausaga talu ai, o le a faaopoopoina e le Teugatupe le saofaga itiiti i le 7% o Totogi e le’i Ma’oti & Totogi Aso mo tagata faigaluega ma se 7% tutusa mai tagata e ou galuega e amata i le aso 1 o Iulai 2016. 

O lenei tulaga ua uma ona fai e fesoasoani ai i o tatou sui auai tau le faaopoopoina o a latou teugatupe tau saofaga ma faapea ai ona tuuina atu mo se lumana’i saogalemu ma le malu puipuia-aemaise ai lava pe a litaea malolo mai le galuega.

FILIFILIGA 

Matou te matua fautuaina e faapea ia e siaki ma toe faatulaga lau FILIFILIGA (o lona uiga, o le tagata na e filifili na te talia au saofaga pe a e oti), ona o le toatele o sui auai na faatino a latou filifiliga muamua ina ua faatoa amata ona galulue. 

O le itu e faanoanoa ai, e anoano mataupu a sui auai ua galo ai ona toe faafou a latou filifiliga-talu ai e fesuia’i tulaga o mea.  E tatau i le Faaputugatupe ona aloa’ia le filifiliga a se sui auai e tusa ai ma le tatou tulafono ma tulafono faatonutonu, o le mea lea e taua ai tele lau filifiliga. O le mea lea-ia faafesoota’i mai matou ina ia faamaonia ai ma toe faafou lau filifiliga ina ia mautinoa ai e faapea o le a maua e i latou e te alofa i ai ua e filifilia-au saofaga pe a e malu. 

26 June 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>