O le galue malosi lava le matafaio fai so’o
O le fa’amoemoe o To’oto’o le aso ananafi i le maua ai o le la fa’atalatalanoaga ma le Fofoga o Samoa o lo’o galue e i lona maumaga.
O To’oto’o o se tamā 60 tausaga le matua le soifua mai le afioaga o Fasito’o ma Safa’i Savai’i.
“Ua loa ona silafia e le tatou atunu’u o Samoa, o le maumaga lava ma le sami le ulua’i meaai ma le alagatupe sa iai,” o lana lea tala.
“O a’u ou te fai mai pe maopaolo ali’i mai i nei le Fasito’o o le aiga foi o se a’u fanau.
“Ae ou te lei sau i nei sa ouo galuega i lo’u maumaga i Savai’i sa fa’amoemoe ai foi si o matou aiga ma e o’o lava le taimi na ou sau ai nei ma nofo mau i nei o lo’o fa’aauau pea le galueina o le maumaga.
“Ia tagaa’i atu le itu la e i itu o lo’u maumaga lena, ia ae le ae lea out e sau fai atu nisi foi tiapula e opo ai le maumaga.
“Ia pei ua vave mai lata usu lenei taeao ona sa mania le timu le vavevao ma le malu le galue, ia ae o aso uma e mau te omai ai lava ma la’u fanau.
“Ia o taeao foi le e fuafua e ave ai meamata tai le auala e fa’atau aua sina suka ia ma sina vaemoa e ai.
Sa fesiligia le tamā e fa’atatau le fa’ama’i o lo’o pepesi nei i talo ae sa ia leiloaina.
“Ia pei foi ona fesiligia le fa’amai o talo ia e leai lava se na tulaga o i nei,” o lana lea tala.
“Ta te lei fa’alogo foi ita ia lena vaega ae o lo’o sologa lelei lava le ola o fa’atoaga ma maumaga i nei.
“O le taua lava o le maumaga i totonu lava o si o matou aiga, e matua taua lava.
“O le uiga o la’u tala, tele lava le sao o le maumaga i tausiga o la’u fanau ae maise lava mea fai pei o fa’alavelave ma isi vaega.
“E la’u lava le talo e fa’atau. Ia e mo’i lava ua tatou va’aia le tele o tagata ua fa’atau latou talo i le makeki ma le faigata o le tuleiina o le talo ia ae o ita lava ia e pau iai le lelei o latou fa’atau.
“Ta te le popole foi le tele o tautalo ae ia alu lelei lota malosi ma maua ai sina seleni.