E sili mamao Savai’i – Nu’u
O le itu mautinoa, e ao ona a’oa’oina lelei mai le tele o tagata o lo’o alala i Upolu mai Savai’i.
O lea le tulaga mautinoa na fa’ailoa e Nu’u Tanuvasa mai Lalomalava i Savai’i.
“Ia i a te a’u lava ia, o lea lava le tulaga o lo’o va’ava’ai i ai nei vaitau ma le tele o le suiga o lo’o ua i ai nei ona o le tele o amioaga fou ua ali’ae mai.
“O le itu mautinoa lava e ao lava ona o tatou faia filifiliga i le sa’o ma le amiotonu ina ia mafai ona maua ai pea le filemu ma le nofo lelei ua tatou i ai lenei vaitau.
“O le tele lava o fa’aiga ua faia nei vaitau e pei matai lava ma e matutua o lo’o sau ai, ae o itu lelei tele lea mo le lelei alu i luma o si o tatou atunu’u.
“Ia e pei o lou aiga o lo’o mafai ona aumai ai le tele o vaega aua le aga’i i luma, aua o le tele o le mau tupe o le a fa’aalu i sala, ia pe a le usita’i fo’i.
“O se itu e ao ona va’ava’ai ai le tupulaga, aua a sala ia e pau le mamafa i aiga ia ae o luga lava o le le usita’I.
Na ia fa’ailoa o se itu e ao ona mafaufau lelei ai le tele o tupulag aemaise ai lava le tata’iina mai o fanau ina ia fa’atinoina le tele o vaega o lo’o mafai ona a’oa’oina i totonu o aiga aua le aga’i ai le lumana’i.
“Ia o vaega nei e pei e seasea tupu i Savai’i aua fo’i e mamalu faiganu’u a nu’u aemaise lava i Pulega a matai.
“O lea le itu o lo’o mana’o ai fo’i e fa’aa’oa’o i fanau ina ia o latou iloa lelei le tulaga e ao ona fa’ailoa i ai.
“O le taimi lenei ua 19 tausaga, ia o le taumafai lava e fa’amamao mai fa’afitauli o le olaga.