Ia e manatua le o loo moomia oe

O nei aso ua tele le oa ma le tamaoaiga,

Faamanuiaga ia ua i o tatou lima.

Ua sapi ma saafi i le suamalie o le faaeaina,

Sapaia ma le fiafia meaalofa ua foaiina.

Ua tumu le ato tumu foi le fale,

Laei a papalagi atoa foi ma le taavale.

Oi talofa i le uso lima vaivai,

Sulu mai i le fiainu ma le fiaai.

Moomia i taua i ona faafitauli,

O sa ta faamalosi ina ia aua nei solomuli.

Tagi tagi mai i taimi o ona mafatiaga,

ADVERTISEMENT

Na te fia maua se faamafanafanaga.

O le fesili po ua o ta talia ea,

Pe mo se tagata faatauvaa e mo le Atua lava lea.

Poo se aupito itiiti,

E tauia oe e le Alii.

Foai atu i le o fiainu ma fiaai,

Fesoasoani foi i le uso lima vaivai.

E moomia e ia la ta tatalo,

Aumaia lana avega sei o ta tauamo.

E manuia le e lima foai,

E le nefu foi le lagi ma lona oloa faulai.

O le sini autu lava o le faamoemoe,

Ia e manatua le o loo moomia.

ADVERTISEMENT

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?