Taimi o se Aiga i Falelatai

198 Hits

O Suli o Lealaitagomoa ma Nite Saofaiga.

O Suli o Lealaitagomoa ma Nite Saofaiga.

Deidre Fanene

Faaliliu e Seagaitumua Tupuola

O suli o Lealaitagomoa ma Nite Saofaiga na latou faamanatuina se Sauniga o lenei Vaitau o le Fiafia e ala i se mafutaga a le aiga i Si’ufaga Falelatai.

O lea mafutaga sa faatinoina i aso malolo o le Kirisimasi ma o le ulua’i taimi foi lea ua tonu ai le ‘au-matutua o le aiga ina ia aumai faatasi sui o le aiga mai le lalolagi atoa mo se mafutaga e tasi le vaiaso. 

O Lealaitagomoa Daisy Bates na malaga mamao mai le Iunaite Setete o Amerika i Samoa mo lea faamoemoe. Sa filo o ia i le toatele o sui o le aiga ia na malaga mai i Samoa mo lea faamoemoe.

Fai mai a ia o le vaega e sili ona lelei o lea mafutaga o le avanoa lea e feiloa’i ai ma tagata o le aiga ua leva tausaga latou te le o toe vaaia ma ae o le itu e sili ona lelei o le fefaamasania’i ina faatau malamalama i ai tagata uma.

 “O lenei mafutaga ua leva ona fuafua mo se taimi umi ae sa matou le maua lava se avanoa e faatino ai,” o le faaaliga lea a le tama’ita’i.

 “O le 2013-o le taimi lea na fau ai lenei fale (Fale Talimalo), na tonu ai i le ‘au-matutua o le aiga ua o’o i le taimi e faatino ai lenei mafutaga.  “O la matou ‘reunion’ na amata i le Aso Faraile-o le Aso Kirisimasi lea.”

O lea mafutaga na mae’a ananafi  e ala i se tafaoga a le aiga. Fai mai Lealaitagomoa Daisy ua tonu foi i le aiga e faatino lea mafutaga i le ta’i-lima tausaga uma. “Sa matou taumafai i le mea sili matou te mafaia le polokalame-talu ai-o la matou mafutaga muamua lea ma matou te le’i iloa poo a mea e tatau ona fai,” o lana faaaliga lea. 

“(Ae peita’i) sa lelei lava lona faagasologa ma ua matou fiafia tele ona ua matou i ai iinei.

O le avanoa lona lua lenei mo i matou e feiloa’i ai ma o matou tausoga, aemaisea ai lava mo a matou fanau-e feiloa’i ai ma o latou tausoga ma tagata uma lava e i totonu o le aiga.”  O Lealaitagomoa ma Nite Saofaiga e to’avalu o la alo. E to’alima ua malaia.

A tuufaatasi, ua tusa ma le 300 tagata o le aiga.

© Samoa Observer 2016

Developed by Samoa Observer in Apia