E matagofie laufofoga o le fiafia

Tusia Ilia L Likou ma Fa’aliliu e Maiava ,

147 Hits

Leoitiitilepaia ma Peniamina Fa’agai, le Ofisa Sinia o le Samoa Superior Poly Products i le taimi na taua’aoina ai le fa’ailoga o le manumalo.

Leoitiitilepaia ma Peniamina Fa’agai, le Ofisa Sinia o le Samoa Superior Poly Products i le taimi na taua’aoina ai le fa’ailoga o le manumalo.

O le faletua o Sabrina Percival mai Malololelei, na manumalo i le fa’alauiloa “o le fa’atau ma manumalo” a le Kamupani o le Samoa Superior Poly Product (S.S.P.P) sa fa’agasolo talu ai nei. 

O le fa’ailoga o lenei masina, o se Ogaumu Fai-Papakiu Mata-4, e tusa ma le $600.00 tala lona tau.

O le faletua talavou o Leoititilepaia Eteuati, sa taliaina lea fa’ailoga, e fai ma sui o Sabrina. 

 “Ona o se tagata e masani ona fa’atau i le Seuperior Poly Products, ‘ou te fautuaina lava le mamalu o le atunu’u, e to’a’aga e asiasi ma silasila tonu i le ‘au’aunaga a lea fo’i kamupani, ae maise a latou oloa o lo’o ofoina atu mo le ‘au-fa’atau,” o lana fa’aaliga lea. 

Na ta’ua fo’i e le Ofisa Tau Maketi a le Kamupani, o Seupule Eseta Ropati e fa’apea, o le fa’alauiloa lea o le “fa’atau ma manumalo”, e fa’atoa mae’a i le masina o Iuni.

“O le matou fa’alauiloa lea ua saofaga ai le toe tu’uina atu o le avanoa e manuia ai le mamalu tele o le ‘Au-fa’atau, ma fa’afetaia ai fo’i la latou lagolago mai i a matou galuega fa’atino i taimi uma,” o lana fa’aaliga lea. 

E saofaga tagata uma mo lenei fa’alauiloa, e ala i le fa’atauina o so’o se oloa mai le kamupani.  

 “E iai fo’i le matou “fa’alauiloa mo afio’aga ma alalafaga” e manumalo ai i se masini fa’apitoa e aoina ai le timu.

“O le fa’alauiloa lea mo le atunu’u e mafai ona ‘auai i so’o sa matou polokalame fa’alauiloa lava e faia i afio’aga ma alalafaga i tua. O latou uma e fia ‘auai, e mafai ona resitala o latou suafa ma isi fa’amatalaga mo’omia ia ‘auai ai i le se’i e faia i le fa’ai’uga o le fa’alauiloa ia Iulai. 

“E tatala le avanoa i so’o se afio’aga, o komiti a tina ma fa’alapotopotoga i tua, e fa’afeso’ota’i mai lo matou ofisa e fuafua ai se taimi e o’o atu ai se sui o le kamupani nei i tua, mo se avanoa e manumalo ai i se tane-vai e iai atoa ma ona totoga mo’omia mo le pu’eina o le suavai.”

© Samoa Observer 2016

Developed by Samoa Observer in Apia