Faafetaia sina fesoasoani mo le taimi nei

160 Hits

Minisita o le Kapeneta ma Faipule  o loo molimauina le tatalaina o le flea maketi le tumau.

Minisita o le Kapeneta ma Faipule o loo molimauina le tatalaina o le flea maketi le tumau.

Tusia - Deidre Fanene

Faaliliu e Seagaitumua Tupuola

 

O tagata e ou faleoloa laiti ia na aafia i le afi i le Flea Maketi i Savalalo i le lua vaiaso talu ai ua latou viia le vave o le gaoioiga a le malo e toe faatu ai se maketi e le tumau. 

Na tatala aloa’ia ananafi, o lea Flea Maketi mo sina taimi ua mafai ai e le sili atu i le 200 tagata faipisinisi na afaina ona toe fai a latou pisinisi i se taimi vave, i lo le taimi na mafaufauina. O le tatalaina o lea nofoaga e mafua mai le faaiuga a le malo ina ia totogi atu ia i latou ta’ito’atasi uma se fesoasoani e $1,000.

Fai mai le Palemia o Tuilaepa Sa’ilele Malielegaoi, o le vave o le tali atu a le malo ua mafai ona faatino ona o le fesoasoani na tuuina mai e Saina mo le fono a le S.I.D.S. O lana faaaliga lea e faasaga i fale’ie ma isi lava mea faigaluega ia sa teu e le malo mo aso leaga.

Fai mai Tuilaepa e taua tele i le malo le mafai e pisinisi na afaina ona toe tutū i luga o latou vae i se taimi vave pe a fua i le taua o le galuea o loo latou faia e tusa ai ma le tamaoaiga, aemaise ai lava le alamanauia tau turisi. “Ua uma ona matou tuuina atu i faipisinisi ta’ito’atasi uma le ta’I afe tala mo se fesoasoani,” o lana faaaliga lea.  “E faaopoopo atu i lena, ua tuuina atu foi ia i latou le avanoa e nono ai tupe e ala i ni aiaiga faapitoa mai lo tatou Faletupe o le Atiina A’e o Samoa.

Ae o le vaega e sili ona lelei e le’i taunuu mai. Sa faalauiloa e Tuilaepa e faapea e leai ni tupe e totogiina (lisi) e le ‘aufai-fale’aiga mo le maketi le tumau mo se vaitaimi a itiiti mai e luma masina.  O lea fesoasoani sa matua faafetaia e le aufai-fale’aiga.

O le toatele o i latou na faaalia i le Samoa Observer ua latou matua fiafia lava i le tali atu a le malo. Na faaalia e le Peresetene o le Asosi a le Savalalo Flea Maketi, o Leulua’ialii Rosemary Vaaulu lana faafetai tele i le Palemia o Tuilaepa ma lana faiga-malo. O le MInisita o Pisinisi a le Malo ma le Faalapotopotoga o Eleele a Samoa (S.L.C.) Lautafi Fio Purcell, na ootiina le lipine. 

“O le mea e i ai le loto, e i ai foi le ala e fai a’i,” o lana faaaliga lea. Ou te faafetaia le galuega tele a le Faalapotopotoga o Eleele o Samoa tau le faatutuina o nei vaega mo fale’aiga ma fale’ie i se vaitaimi e na o le fitu aso.” 

© Samoa Observer 2016

Developed by Samoa Observer in Apia