Manumalo se Tusitala talavou i se malaga i Farani

197 Hits

MANUMALO I LE TUSIGA O TALA : Aunoa  Uele o tapena lana malaga i Farani

MANUMALO I LE TUSIGA O TALA : Aunoa Uele o tapena lana malaga i Farani

O se tala na tusia e uiga i mea na osi taulaga ai tagata Samoa ma fitafita o; Malo Aufaatasi ma tamaitai i le faagasologa o le Taua Muamua o le Lalolagi- ma lona uiga ia te oe,” ua manumao ai se tamaita’i a’oga o le Kolisi o Samoa i se malaga o lona olaga atoa.

E pei lva o isi atunuu, o loo faamanatu e Niu Sila le 100 tausaga o le Taua Muamua o le Lalolagi (WWI) o le 2014-18 ma talu ai na tau Samoa i tau e lua o le Lalolagi i vaega-a’u a Niu Sila, o lea na valaaulia ai tamaiti a’oga o le atunuu ina ia auai i se tauvaga lea sa faamaopoopoina e le Hai Komisi a Niu Sili i Samoa

Ona o le tamaitai na manumalo mai Samoa e 16 tausaga le matua, o le a malaga atu Aunoa Uele i Niu Sila ma faasolo atu ai i Farane ma isi tamaiti a’oga mai le Pasefika e avea ma vaega o sauniga faamanatu i Somme mai le aso 11 i le 18 o Setema. 

A’o i ai lea tamaitai i Farane, o le a auai o ia i se polokalame e vaiaso le umi lea e aofia ai isi sauniga faale-aganuu.

“Ua matou fiafia lava ona ua maua e Aunoa lenei avanoa e fai ai ma sui o tupulaga a Samoa i sauniga faamanatu i Somme i Farane,” o le faaaliga lea a le Hai Komisi o Niu Sila, o H.E. Jackie Frizelle.    

“E ui lava ina o lenei taua i le Vaega i Matu  e foliga mai ua leva tausaga ma ua mamao atu, ae o loo i ai sootaga taua i aiga o Samoa ma o le malosi o le Taua o le Lalolagi sa matua lagona i le salafa o le Pasefika. O le manatuaina o le maumau uiga ese o le ola i Somme o se faamanatu lelei lea pe aisea o loo tatou taumafai ai e taofi feeseeseaiga ma tilotilo mo faiga to’afilemu e fo’ia ai. 

 “E aofia ai foi ma le avanoa e auai i totonu o lenei sauniga taua tele. Ou te faamoemoe o lea malaga e mo le saina o le fiafia.

O le a malaga lea tamaitai ma isi tupulaga talavou mai le Pasefika ma ou te mautinoa o se malga lea o le a le mafai ona faagaloina.”

Fai mai Aunoa o lona tina na una’ia o ia “O lo’u tina foi ma le nofoaga o su’esuega lea na faavae i Malua ma le faamoemoe e una’ia ai tamaiti e faata’ita’i ona tusitusi,” o lana faaaliga lea. “Ou te fia faafetaia foi o’u faiaoga uma i le Kolisi o Samoa ia na una’ia a’u e fai ni tusitusiga se tele ina ia mafai ai ona faaleleia lo matou poto..  I lea taimi, o le manumalo i le tauvaga na faate’ia ai le tusitala talavou.

 “Ua matua faate’ia a’u, sa leai so’u manatu ou te manumalo i se mea ma ina ua ‘ou auai i le tauvaga, na ‘ou faia lava ona o lo’u fiafia e tusitusi,” o lana faaaliga lea.

 “O se fe’au mo tusitala talafou o loo i tua-e faapea a pa’ia loa le tusitala-e leai se mea e lilo, o le faata’ita’i e lelei ai.”

 “Ia faaauaua pea ona i’u lava lea ina faaleleia.”

© Samoa Observer 2016

Developed by Samoa Observer in Apia