E tofu lava le tagata ma lona mafatiaga

Tusia Fetalai Tuilulu’u ma Aruna Lolani ,

103 Hits

Le tama ia Fuluasou Afuvai o Saluafata.

Le tama ia Fuluasou Afuvai o Saluafata.

E fa’amuamua e Fuluasou Afuvai o Saluafata lona aiga.

O le maua ai le fa’atalatalanoaga le Fofoga o Samoa ma le tama ia Fuluasou Afuvai o Saluafata le aso ananafi sa ia fa’ailoa mai ai lona mafatiaga o lo’o iai nei o le gafa lea ma le fatu aiga tausi. 

O le tamã e 62 tausaga le matua le soifua ma o le naunautaiaga lava o lo’o ia te ia o se alagatupe e tausi ai lona aiga ae maise nai ona matua matututã o lo’o ia vaaia nei. 

“O le fiafiaga lava ia e mulimuli mai le fa’amuamuaina o tagata o lo’o sili lava ia tei tatou. 

“O le agalelei o le Atua e lasi lea ma o lo’o taitaiina ai le fiafia i totonu o aiga ma o lea foi le itu o lo’o o’u naunau ai nei ia ia ave le fa’amuamua i aiga. 

“O le tulaga o lo’o ave ai la’u fa’amuamua o lo’u aiga lea ma o le ala foi lea o lo’u tusi talosaga atu ai ina ia maua se fesoasoani aua lava nai o’u matua matutua. 

“Mo le tou silafia, e leai lava se tasi si o matou aiga e faigaluega, ma e leai foi se alagatupe o matou fa’amoemoe iai.

Sa taua e le tamā le tulaga tau le gafa ai ma le tausiaina ai o matua matutua. 

“O si o matou aiga, e na’o a’u lava o le to’alua ma nai o’u matua matutua, o le ala faigata foi na si o ma aiga ona o lo’o feagai nei ma le tausi ina o nai o’u matua. 

“E le’o se aiga foi e faia se maumaga aua foi e lē leai se tasi e galuega ai, e le mafia ona ou galue se maumaga ae tu’u tiai nai o’u matua. 

“O nisi foi o taimi e maua mai le fesoasoani le fanau mai fafo ae le’o taimi uma aua foi e le gata le tele o pili totogi ae o le olaga foi I atunu’u mamao e tupe lava mea uma.

E ui se tele le mafatia ona o le leai se alagatupe o Fuluasou lava o se tamā taia’e aiga. 

“A alu alu foi ua leai lava se tupe ia o le sami foi e tua ai ae le’o aso uma aua foi pei na fai atu le taimi ua sola e le mafia ona tu’u tia’i nai o’o matua.  

“O le itu foi ua ou titilo iai, tusa lava po le a le atamai i fea e fai ai se fa’asoa ma taumafai e atia’e le aiga e tatau lava na iai ni fa’afitauli aua o le olaga nei e leai se mea maua ma se filemu. 

“Pau lava le tulaga o le tu’u atoa ai le loto le tausiga le aiga, ma fa’amuamua lava mea o lo’o manana’o ai. 

Sa fesiligia le tamā po tau su’e sana galuega e faigaluega ai sa tali e tele lava le fiafaigaluega ae peitai e le mafai ona tu’ulafoa’i ona matua. 

“E tele lava le fia faigaluega ae peitai e ausage lava le aiga.

“O le tulaga e tatau na utagia mai le malõ ina ia fai ni polokalame e asiasi mai ai tua ni foma’i aua le fesoasoani le siakina o matua tausi, aua o le itu e titilo ai o le le lava le fa’asoa ma le taugata le o feuiaiga e o’o atu ai le falema’i.

“Pei na fai atu le taimi ua sola, o matou lava ia e leai se alagatupe mautu pau lava a maua sina seleni o se fesoasoani mai le fanau ia atunu’u mamao ma o le laki foi e maua ai sina seleni. 

Mo se tasi fesoasoani le tamā ia Fuluasou ma le aiga e maua le feso’otaiga le 7280430 

© Samoa Observer 2016

Developed by Samoa Observer in Apia