Ia alolofa i aiga

Tusia Ilia L Likou ,

56 Hits

Junior Fa’auuga

Junior Fa’auuga

O lea le manatu maualuga o Junior Fa’auuga i le Fofoga o Samoa i le aso ananafi.

Na maua le fa’atalatalanoaga ae o ia aga’i atu e fa’asavali ana kekepua’a aua se tupe mo ia ma le aiga.

“Ia o la’u ia lava lea masani i aso uma, ma o se itu ua ou fiafia lava e fa’atino.” O lana tala mai lea.

“O lo’u ia iloa i ai e tatau lava i tagata ona filifili lelei o galuega e mafai ona fesoasoani ai aiga i le taimi lenei.

“Ia o le tele lava o taimi e fa’atau savali ai vaega nei i le taulaga, aua e pei o lea le isi vaega o le atunu’u e latou te naunau tele i vaega nei.

“O se itu lava i lo’u iloa i ai, ia o le taumafai lava lea ina ia fa’atinoina o so’o se vaega aua aiga.

Na ia ta’ua i le Fofoga o Samoa o se galuega ua fiafia lava e fa’atino i le taimi lenei.

“Ia e $ lava lea e alu ai le taimi lenei, ma o se itu lelei tele lea mo a’u lava ia, ia o le tele lava fo’i o taimi a lagona le lelava ia ua fai sina koma.

“Ua o tatou iloa uma lava ua le toe faigofie nei aso, o le taumafai lava la e fa’aaoga nai taleni ua i ai lenei taimi aua lava le tausiga ai o le aiga.

“Ua matua’i  taugata le soifuaga, ae o lona uiga a nofonofo atu ai ia ua le mafai ona fesoasoani lava le tagata ia i a te ia lava.

Na ia fa’ailoa o le aoga ai pea o le fesoasoani i aiga e tu’umamaina ai le tele o le mau mea fai lenei vaitau.

“Ia e moni lava e le tele se tupe maua mai ai lea aso ma lea aso, ae o le itu taua o lo’o mafai ona ou fesoasoani i lo’u aiga i aso uma.

“O lo’o tapa mai matua ae avatu ai le a le mea o lo’o mafai ona maua le taimi lenei, ma o se itu lelei tele lea i a te a’u lava ia.

“Ia e tatau lava e nai o tatou tagata aemaise o tupulaga ona fa’aaoga tatau avanoa ua galulue ai, ma ia fa’amaoni.

© Samoa Observer 2016

Developed by Samoa Observer in Apia