Faigata le totogiina o pili vai

Tusia Fetalai Tuiluluu ,

75 Hits

MANA’OMIA LE VAI: Fuaina Toa o Afega.

MANA’OMIA LE VAI: Fuaina Toa o Afega.

Afai o le vai o le ola lea, fa’afefea na ola le tagata pe a leai se vai? 

Fesili le ali’I ia Fuaina Toa o Afega na ia fa’amatala atu lea. 

Sa taua e le tama e to’aono le fanau o lana lava lea fa’afitauli. 

“Ia o lea mafuaaga o le o mai uta nei o le maumaga aua lava le fanau ma le aiga. ]

O matou nei o lo’o lelei lava mea uma. O lana lea tala. 

“O lo’o sologa lelei foi le tulaga tau le tausiga o aiga ma o le a lē toe o’o ai foi se fa’amatalaga. 

“Ae tasi lava le tulaga o lo’o mafatia ai nei o le leai se sauavai.

“Silafia foi, o matou sa matou feola mai lava i nei ma o le fa’afitauli lava lea e feagai ai ma si o matou aiga i aso uma o le leai se suavai. 

 “O a’u e ofo, ua fia tausaga o talosaga ae sau foi le tali e le mautonu. 

“Afai ae tele le aoga le suavai ia te outou e fa’apena foi le tele o se aoga ia te i matou foi.

“E mana’o mai lava si o matou aiga le suavai. 

Sa fa’aauau le fa’amatalaga ina u fa’apea mai e fa’atau le suavai. 

“O si o matou aiga foi e ova ma le to’a 10 tagata e nonofo ai, ia e mana’omia lava le vai i aso uma e nei tagata. 

“O le ala foi le ao lo’u fa’apea atu ua le toe uma le vaiaso i se tane vai. 

“O si o matou aiga foi e leai se tasi e faigaluega, o le maumaga lava o lo’o tua ia. 

“Pei ona taga’i atu o le afa o le fanua nei e tōtō ai talo ma fa’i. 

“O le ala faigata foi lea o le leai se suavai, aua e leiloa po fea le tupe e fa’atau ai le suavai ao fea foi le tupe e tausi ai  le aiga. 

O Maria e to’alua lana fanau ma o lo’o nonofo fa’atasi ma ona matua ma aiga o lona uso ma lona tuagane ma o lo’o mana’omia lava se fesoasoani tau suavai. 

Mo se tasi e fia fesoasoani me iloa ina se tasi e maua ai se fesoasoani o Fuaina ma lona aiga fa’afeso’otai le numera 7752385.

© Samoa Observer 2016

Developed by Samoa Observer in Apia