Fia maua lava se galuega
O lea le augani i a Samu Galuega, 20, le matua o le soifua o Faleata ma Vaitele i le fa’atalatalanoaga ma le Fofoga o Samoa i le aso ananafi.
“Ia o a’u e lei uma ni aoga, ua fai lava sna taugata o pili aoga, ua le mafai ai ona fa’aauau le aoga.
“O le taimi la nei o lo’o tau su’e se galuega aua ua leai se tupe maua ma e leai se tasi o o’u fa’amoemoe iai.
“Mo le silafia foi ua uma le ola o nai o’u matua o le taimi nei e ola lava le tagata ia.
“O le tele o le fesoasoani e maua mai le i nisi o uso ma tuafafine.
“O le a fo’i lava le mea e manana’o ai ia e vili lava i ai ia ma e fesoasoani mai lava, ma e i a’i te a’u fo’i le tulaga fo’i le le o le fuafua lelei le taimi e fai ai lea mea ma lea mea.
“O lo’o ua taumafai fo’i latou e atia’e o latou aiga ma fanau.
Na ia fa’ailoa o le taimi lenei ua tele lava nai aiga ua le tagolima ona o le taugata o le soifuaga.
“Ia o lo’u iloa ia i ai le taimi lenei ua i ai Samoa.
“Ua leai lava se mea o toe mafai ona lilo , aua o lo’o ua ta’u mai lava le olaga o lo’o tele ina ola ai le tele o nai o tatou tagata le mea lea ua tupu. “O le a le lelei o totogi a nai fanau, ia e i’u uma lava le fai o nonogatupe, ma o le sa’o lava lea ua tatou i ai nei.
“E leai se fa’amoemoega e tau sefe se tupe mo tamaiti, aiga, o se fale e fau, o Samoa lava ia le taimi lenei ae mafaufau loa se tulaga fa’apena ia ona fuafua lelei loa lea e fai le loan ia ma e uma le olaga nei o tau totogi.
“O lea le fa’amaoniga o le faigata ua i ai nei , ma o se fa’anoanoaga tele lea.
Na ia taua o lo’o ave pea lana fa’amuamua i sona lumana’i manuia aua e leai se tasi e fa’amoemoe iai.
“O le taimi nei o lo’o fia su’e lava sa ta ia lava galuega e ola ai aua foi e le mafai ona ou fa’alagolago atu i nisi ma isi.
“Ou te lelei lava le fa’amamaina o fanau ma e lelei foi la’u kuka.