UA FOU MEA UMA

909 Hits

Toe Mafaufau Tasi Lava....O se tala moni lenei e uiga i se tama e igoa o Filipo. E iva tausaga le matua o Filipo ma e i le vasega o tamaiti e ta’i valu tausaga le matutua.  O tamaiti o lana vasega e le alolofa ia Filipo. Latou te le talanoa ia te ia pe faataga o ia latou te ta’aalo faatasi. Na pagatia Filipo i se faama’i e igoa o le ‘Down Syndrome, ma ona o lea tulaga-ua fai ai sina ese o ona foliga ma lona mafaufau ma ua gesegese ai lana tautala i lo le tautala a isi tamaiti. 

I le Faagasologa o le viaso o le Eseta-na tuuina atu ai e le faia’oga i tamaiti ta’ito’atasi uma se fuamoa una ina ia mafai ona latou tata’e ma tatala.

Ona auina atu lea e le tamaitai i latou i fafo e saili se faailoga o le ola fou, e pei o se fatu poo se lau-laau, e tuu i totonu o le fuamoa una.

Mulimuli ane-sa potopoto uma tamaiti ma faa-taamilo i le latou ato fuamoa ma matamata a’o amata ona talai e le faia’oga ia ‘ato uma. Na tuu e se tasi tamaitiiti se fualaau i totonu o lana fuamoa. Sa manatu tamaiti uma o se faailoga uiga ese lea o le ola fou.

I totonu o le isi fuamoa-sa i ai se pepe lea na fai mai teineiti uma e manaia tele. Mulimuli ane, na tatala e le faia’oga le fuamoa una mulimuli ma e leai se mea sa i ai i totonu.Fai mai le isi tamaitiiti, “O se mea valea tele lea mea!”

Fai mai le isi tamaitiiti, “E le o se mea talafeagai lea mea“ E faalogo atu le faia’oga ua toso e se tasi lona lima. O ia lea o Filipo. Sa tilotilo a’e o ia i lea tamaitai ma fai atu: “O la’u fuamoa lena. E leai se mea na ‘ou tuuina i ai talu ai-‘ua avanoa le tuugamau o Iesu.

O le pogai lena ua ‘ou maua ai se ola fou.” Na matua leai se pisa o le vasega atoa.E afua mai lena aso, sa talia Filipo e avea ma vaega o le vasega.Poo le a lava le pogai na fai ai o ia ina ia ese –e le taua pe na toe ta’ua foi.

I ni nai masina mulimuli ane ai, na oti Filipo mai lea gasegase.I le aso o le falelauasiga o Filipo-o lana vasega atoa o tamaiti ma teineiti e ta’i valu tausaga le matutua na auai e faatofa atu i le uo ma le paaga faapitoa.

Sa tofu o atu tamaiti ta’ito’atasi uma i le pusa oti ma faataatia i ona tafatafa le latou meaalofa: o se fuamoa e leai se mea o i ai.

Afai e mafai e le Atua le Alo ona faatino ina ia matua moni Lona Alofa ma malamalama lelei i se tamaitiiti e pei o Filipo, o lona uiga-e leai se tasi o i tatou o loo i ai se mea e ‘alo i ai pe afai e le o malamalama pe o le a le tele o le alofa o Iesu ia i tatou.

Na faamaualalo e le Atua o Ia lava ina ia avea ma tagata ola, ina ia le gata ina maliu mo o tatou sese uma lava ma faamagaloina i tatou, ae ia toe soifua mai ia i tatou o Ia lava o le Atua e finagalo e aumai ia i tatou se “ola fou” e atoatoa ae le “na o se ola fou ua toe faaleleia”. 

O le pogai lea na fetalai mai ai Iesu e faapea “e ao ina tatou toe “fanau fouina.”

E faatoa mafai ona toe amata lelei o tatou olaga, pe a tatou tuuina atu i Le na faia i tatou Lona nofoaga sa’o e avea ma se tasi ma ua na o ia lava le Alii e pulea le ola na ia tuuina mai ia i tatou, e mafai ai ona tatou amata aoaoina le ola e tar tai ma Ona ala.

E faatoa mafai ona fai pe a avea ma ala e tasi na ia faia ai o tatou ola ina ia faaaoga ma le tatau tatou te maua ai le faamalieina atoatoa ma le filemu e tumau pea. 

E pei o le fuamoa e leai se mea o i ai, e tatau ona tatou matua sasa’a atu o tatou loto atoatoa o le manatu faapito, olaga tete’e ina ia mafai ai e Le na faia i tatou ona faatumu i Lona Soifua.

E tatau ona amata soifua o Ia i totonu ma pulea o tatou loto i Lona alofa moni ma le mea moni. O se alii atamai tau mataupu silisili ma o le so’o o Iesu fai mai: “E le’i afio mai le Atua e faalelei tagata leaga.

Na afio mai o Ia e faaola tagata ua oti”. Fai mai Iesu na tete’e tagata uma lava ia te Ia –o Le na faia i tatou, o le mea lea-ua tatou feoti i la le agaga-ua matua vavae ese mai le ola a le Atua lea e matua lelei atoatoa, tonu ma amiotonu.. 

O le pogai lea ua na o le Atua lava ia na te mafai ona lavea’ina i tatou e ala i le tuuina mai e aunoa ma se totogi o lana amiotonu e le ‘alu’alua i ai tatou , ina ua maliu o Ia e totogi le aitalafu ma le faasalaga mo tatou sese uma lava; o tatou mafaufauga sese, amioga e le talafeagai ai, upu sese, amioga sese, sootaga sese, aemaise ai o  le sese o tatou loto-lea ua avea ma punavai o tatou olaga sese. 

E matua moni ma faamaoni: “Afai ua le mafai e lau ekalesia ona sui oe, o lona uiga-ua tatau ona sui lau tapuaiga.” Ia manatua, o le Talitonuga Faa-Kerisiano e le o se lotu, o le suiga o le soifuaga i aso uma- suiga o sootaga ma Iesu Keriso o le Atua lava lea.

I le avea ma Le na faia oe, e matua alofa tele ia te oe ma o lea na avea ai o ia tagata ola ina ia ofo o Ia lava mo au agasala uma, ina ia mulimuli ane ua mafai ona e toe fo’i mai i le aiga ia te ia.

O le Atua le Alo na savali atu mai tuugamau avanoa ina ia mafai ai ona afio sa’o i lou loto o loo gaogao ma soifua ai e faavavau. 

I le avea o ia ma le na faia oe ma lou Faaola, ua na o Ia lava na te mafai i se tulaga e sili ona lelei ona toe faatulaga mea uma ia fetaui ma matua faatumulia ai mea uma o gaogao, le mana’o ma le moomoo e te le mafai ona maua.

O le mea lea- afai ua e salamo ma ua e oti ona o le sese o lou olaga, e mafai ona Ia suia oe e ala i lona soifua o le toe tu mai ma le malosi e avea ai mea uma na ia faia ina ia mafai ai ona e foliga ia te Ia.

E te le ole atu ‘ea ma mo tagata uma ina ia fai lou olaga ia FOU ATOATOA? 

Toe mafaufau tasi lava…

© Samoa Observer 2016

Developed by Samoa Observer in Apia