E manatua pea, Robert Geoffrey Marfleet!

Tusia Deidre Tautua-Fanene ,

50 Hits

MISIA LE MAFUTAGA: Robert Geoffrey Marfleet.

MISIA LE MAFUTAGA: Robert Geoffrey Marfleet.

O le Aso To’anai na sei mavae atu nei sa fa’amanatuina ai e aiga, uo mamae aemaise ai e le to’atele o latou sa silafiaina le tamā o Robert Geoffrey Marfleet lona olaga a’o soifua mai ai.

O lenei tamā o se fai pisinisi iloaga i Samoa ma ua to’atele i latou ua fa’amanuiaina o latou olaga ona o lenei tamā.

Sa fa’amae’aina e le Atua galuega lelei a lenei tamā i le Aso Faraile, 16 Fepuari, 2018 i le falema’i i North Shore i Aukilani, Ni’u Sila.

E maliu Robert ua 84 le matua o lona soifua.

I le po o le Aso To’ana’i i le Taumeasina Island Resort, o le tinā loto mafatia ia Malia Tammi Marfleet, ma o la alo e to’a10 ma fanau a le laua fanau e 17, uo ma aiga sa potopoto uma i lea po e to manatu i galuega lelei sa faia e lea tamā.

I le saunoaga a Tammi i lea fa’atasiga sa ia manatua ai le tagata sa soifua mai i se olaga lelei.

“Ina ua maua tala i lona ma’i o le kanesa, sa fa’ailoa mai e le foma’i e toe o ni vaiaso lea o lo’o totoe i le soifua o Robert,” o lana saunoaga lea.

“Ina ua matou logo tala pau le gaioiga sa fain a o le talanoa lava ma fetagisi.

“O ana upu mulimuli lava ia te a’u a’o le’i alu, “o fea lo’u afafine – o Luisa. 

“Ona fa’asaga mai lea ma fai mai ia te a’u “I’m sorry I have tried.” 

“O lona uiga sa taumafai lava ina ia ola pea mo matou.”

“Sa ou musumusu atu i lona taliga ma fa’apea atu, ‘alu ia, matou te alolofa tele mo oe,”

“O lea ua ou taliaina o le a e le toe fa’atasi ma matou, ae ui i lea ua e saoloto mai tiga uma ma ua e filemu ai.

“O le taimi lea na alu ese ma le filemu atu ai i le coma, ma o le isi aso na soso’o ai ina ua mae’a ona seleina lava ava e se tasi o ona atalii na fa’amanavaina ai e le Atua ana galuega.

“Sa filemu lo’u loto ona sa ou mautinoa o lea ua sa’oloto ia mai nei tiga uma, ma ua o’o i lona taimi e la te feiloai ai ma lona matai.”

Sa iai se feau sa ave e Tammi mo i latou uma sa iai i lea po.

“Aua ne’i galo ia te oe tagata o lo’o alolofa ia te oe.

“Ia iai so taimi moo u matua, taitoalua ma fanau ona e te leiloa lava le aso e valaau mai ai le alii.

“Sa faamanuiaina lava matou ona e tasi le vaiaso sa mafai ona matou fa’atofa ai ia te ia.”

Sa ia fa’aalia lona misia ai o lona to’alua fa’apelepele.

Sa ia toe to manatu foi i le taimi sa la’ua fa’aipoipo ai, ma sa ia fa’ailoa fo’i le tele o tagata sa latou le taliaina le la’ua fa’aipoipoga ona o le tele o le eseesega o laua tausaga.

“Ae ina ua mavae tausaga e 37, o tausaga ua nao se fuainumera.

“E le o tausaga, ae o le alofa ma le fa’amaoni o le tasi i le tasi.

“I le totonu o le galuega o ia o le pule a’o a’u o lana failautusi, ae a o’o i le fale o a’u o le pule.”

O le isi uiga o Marfleet e le mafai ona faagaloina e Tammi o le ituaiga tagata e iai lona tagata.

“Ina ua tui e le tausimai lona I.V. sa ia fai ai i le tausimai pe mafai ona tui ai i totonu se whiskey.

“Sa ia talosagaina foi le fomai pe mafai ona inu sana pia ma sa fai lava.”

Sa fa’ailoa mai e Tammi e tele lava uiga o lona to’alua o le a misia ai e ia.

“O se tagata e lelei tele i lana galuega.

“O se tagata e le tau faamasania i tagata ma e le fa’ailoaga tagata pe matua pe laititi, o le tele ia o ana upu e fai i tagata pe a latou feiloai.”

© Samoa Observer 2016

Developed by Samoa Observer in Apia