Manumalo se Samoa ato-maualuga i Tauvaga-pese i Niu Sila

170 Hits

MALO FINAU I MEA-LELEI: Manumalo o le Tauvaga, le Samoa o Benson Wilson.

MALO FINAU I MEA-LELEI: Manumalo o le Tauvaga, le Samoa o Benson Wilson.

Ua fa’ailoa mai le manumalo a’ia’i ai o le Samoa ato-maualuga o Benson Wilson e papa-a’ao i Niu Sila, i le Tauvaga Pese o le 2016 (2016 Lexus Song Quest) sa faia i le a’ai o Aukilani talu ai nei.

O lea tauvaga e ta’ilua tausaga ma fai, e mo tagata-pese si’ufofoga maualuga ma latou sa mautulaga i tauvaga ua mavae ma sa aofia ai Dame Kirite Kanawa ma Dame Malvina Major, o nisi o tama’ita’i si’ufofoga malie.

O le 60 lenei o tausaga o lea tauvaga.

O Benson Wilson sa tulaga lua i le tauvaga o le 2014 a’o lea ua suipi i le fa’ailoga muamua o le 2016.

O le fa’ailoga o le manumalo e aofia ai se avanoa sikolasipi e a’oa’oina ai i le a’oga-musika o Guildhall School of Music i Lonetona, lea na ta’ua e Benson, e talitonu o le a atili fa’aleleia ai lona leo mo le aga’i i luma.

O Filipe Manu, o se ali’i ato-maualuga mai ‘Aukilani na tulaga-lua ma le tulaga tolu na maua e le i-maualuga o Madison Nonoa mai Hamilton.

Na fa’aalia e le Fa’amasino o le tauvaga, o Yv onne Kenny, na matua fa’amalieina lana fa’alogo ma fa’afiafiaina fo’i i taumafaiga a latou uma sa ‘ausia le sa’iliga o le manumalo, ma ua silafia ai le mata’ina o si’ufofoga o tagata Pasefika i Niu Sila ma taleni ‘ese’ese ua foa’ina iai.

© Samoa Observer 2016

Developed by Samoa Observer in Apia