Ia galue malosi
O lea le talitonuga o le tamā i a Leiataua Leiataua o Toamua i le Fofoga o Samoa i le aso ananafi.
“Ia o a’u ua 57 nei le matua o le soifua ma o lo’o manuia lava le aiga i tua nei e ui lava e i ai lava nai fa’afitauli.”
“O si o matou aiga ia na’o a’u lava ma le lo’omatua ma le tama a lo’u afafine si o matou aiga ma o lo’o fa’amoemoe le tausiga i le fa’atoaga o lo’o i tua atu ma le toga koko.
“O le uiga la o la’u tala ia o lo’o mafai lava ona o matou ola mai ai ia ma maua mai ai tupe.
“Ia e to’atolu si o matou aiga ma o lo’o sologa lelei lava mea uma.
“O le tulaga e pei ona i ai , ia e le taitai lava ona ave se molimana’o i aiga i fafo e fesoaosani mai po o nei fo’i Samoa o lo’o tagi lava i o’u lima le tausaga o le aiga.
“Aua fo’i o lo’o i ai lava nai vaega o lo’o to to i le taimi lenei i tuafale, ia o kapisi i le isi pito, maukeni ia o mea uma lava mo le aiga ma le aga’i atu ai le lumana’i.
“O lo’o ua tatou iloa uma lava le taugata o le soifuaga o lo’o ua i ai nei, ia e leai se mea e mafai ona o tatou faia.
“I a te a’u ia o lea lava le tali, o le galue lava i ai, aua le fa’atalitali i se isi.
“E le gata i lea ia o le fa’aaoga lelei lava ole mafaufaiu.
Na ta’ua e Leiataua o le olaga lenei o le faia lava o le filifilga sa’o.
“The right decision for us - is to take our family as our first priority and work hard.
“Ia o le filifiliga o le fa’amuamua lea o nai o tatou aiga, o le itu pito sili lea ona taua.
“E leai lava se isi mea e tatou te mafaia aim ea uma, ia o le tatalo lava i le Ali’i.
“O ia e tali fa’aaliali, o lae fai mai le Tusi Paia, na o sina fa’atuatua itiiti lava ona galue mai lea o le Atua i a’i latou o lo’o talitonu ma saili.