Ua faigata lava nei aso

Tusia Ilia L. Likou ,

118 Hits

Moimoi Mata’ia, 63 le matua o le soifua o Sato’alepai.

Moimoi Mata’ia, 63 le matua o le soifua o Sato’alepai.

O lea le talitonuga o le tamā i a Moimoi Mata’ia, 63 le matua o le soifua o Sato’alepai i le fa’atalatalanoaga ma le Fofoga o Samoa i le aso ananafi.

 “Ia o a’u e to’atele si a’u fanau ma ua fai to’alua le to’atele, ia ma o se tasi o atali’i o lo’o i Niu Sila ae o le isi afafine laititi o lo’o nofo i Tutuila ia ae o le to’atele o lo’o nonofo uma i Samoa nei.

 “Ia e fesoaoani lava le fanau i letele o mea fai i totonu o si o matou aiga ma o se agaga fiafia tele lea i a te a’u.

 “O le a fo’i lava le mea e manana’o ai ia e vili lava i ai ia ma e fesoasoani mai lava, ma e i a’i ma’ua fo’i lava ma le lo’omatua le tulaga fo’i le le o le fuafua lelei le taimi e fai ai lea mea ma lea mea.

“O lo’o ua taumafai fo’i latou e atia’e o latou aiga ma fanau.

Na ia fa’ailoa o le taimi lenei ua tele lava nai aiga ua le tagolima ona o le taugata o le soifuaga.

 “Ia o lo’u iloa ia i ai le taimi lenei ua i ai Samoa.

 “Ua leai lava se mea o toe mafai ona lilo , aua o lo’o ua ta’u mai lava le olaga o lo’o tele ina ola ai le tele o nai o tatou tagata le mea lea ua tupu.

 “O le a le lelei o totogi a nai fanau, ia e i’u uma lava le  fai o nonogatupe, ma o le sa’o lava lea ua tatou i ai nei.

 “E leai se fa’amoemoega e tau sefe se tupe mo tamaiti, aiga, o se fale e fau, o Samoa lava ia le taimi lenei ae mafaufau loa se tulaga fa’apena ia ona fuafua lelei loa lea e fai le loan ia ma e uma le olaga nei o tau totogi.

 “O lea le fa’amaoniga o le faigata ua i ai nei , ma o se fa’anoanoaga tele lea.

Na ia taua o lo’o ave pea lana fa’amuamua i fanau o lana fanau ina ia ave pea i le aoga.

“Ia e tele lava le mau mea ae pei o vaega nei e ao lava ona ave i ai le fa’amuamua i taimi uma.

© Samoa Observer 2016

Developed by Samoa Observer in Apia