O LE MAU A PULE

137 Hits

Sa mulimuli ane ona molia Ricketts i le faamasinoga mo le fasioti tagata pa’ivalea, ae sa fautuaina e Allen Ueligitone-ae le’i taitai ona amataina le fofogaina o lea mataupu -e faapea e le mafai ona faasalaina o ia, ma e le’i faasalaina lava! O le molimau a Ricketts-o le mea na ia faia- o le puipuiga lea o ia, ona fai mai a ia toeitiiti lava tau’ai o ia e Molia i ma’a.

I totonu o le vaalele o le sami-o le tele o le taimi o Wallingford sa faaalu i le faa-lele maulalo o lea vaalele i lalo ifo o le 170 mita, ma o nisi taimi e matua lele maulalo ai lava i lalo e tusa ma le sefulu ono mita le maulalo -ina ia mafai ai ona tilotilo i totonu o fale pe vaaia ai soo se tagata Samoa-ma le ‘ie lavalava pa’auli malosi o le togiga a le Mau.

O lea faiga na toeitiiti ai lava a afaina ai o ia –ina ua lele maulalo tele i luga a’e o se nuu i le itu i sauté- lea sa mafai ai e se tagata ona togi lona vaalele i se ma’a -ae na misi ma le pe’ape’a. Sa manatu Wallingford o le ma’a muamua atonu sa togi a’e ona o le fia malie-ae o lona toe taamilo ane faalua-na toeitiiti lava a maua lelei ai le vaalele e le ma’a-ma ua  na iloa lelei ai le ita tele o lea tagata.

O le toe lele ane faatolu-sa aapa atu Wallingford i lana fana puupuu e faa’emo ai le sulu e igoa o le ‘verey’-ma fana sa’o lava i lea tagata o loo tu mai le laueleele. Na misi ma lea tagata ae pa i le isi fale e latalata ane.

O lea fana puupuu o le ‘Vercy’-ua na ona pau lava lea o le ‘auupega a Wallingford-ma o lea fana e mo galuega lavea’i pe a pa’ū lona vaalele-ae sa na faaaogaina lava e toe faafo’i ai le isi fautasi sa malaga mai Savaii i Upolu. I lea taimi-o le vaega o le vaa o le Dunedin mo tagata mama’i ua amata ona le ofi i alii ua mama’i ona o le vevela ma ua aafia i le utia e iniseti.

O le tulaga ua i ai luga o le vaa o le Dunedin sa tumau lava ona lelei- faatasi ai ma le maluelue solo o le vaa i totonu o le taulaga ma le vevela lea ua matua ati lava i vaega i lalo o lea vaa-ma ua ‘ausia ai se tulaga e matua faaletonu lava.

O le aso 25 o Ianuari-na ta’utino ai e Blake ia Allen e faapea e matua itiiti lava se faamoemoe e mafai ona titina le Mau poo le saisai fo’i o nisi o latou sui o loo mana’omia e le tulafono. Fai mai a ia “e le mafai ona faatuatuaina le Samoa Native Police-ae o le ivasefulu pasene  o le faitau aofa’i o tagata e alolofa i tagata o le Mau o loo lalafi i le vaomatua-ma o se vaega toatele o i latou –o loo matua fesoasoani lava ia i latou e ala i mea’ai ma faamatalaga e maua.

E leai se faamatalaga faatuatuaina e mafai ona tatou maua pe afai e aliali mai o loo maua e le Mau faamatalaga uma e uiga ia tatou gaoioiga.” E pei lava o le toatele o alii fitafita, sa iloa e Blake se faiga e fo’ia ai e ala i le toe faamalosia o a latou gaoioiga.

Na ia talosagaina Ueligitone mo nisi alii faaopoopo e 150- ma na fautuaina ai le faavaeina  o se “auaunaga tau leoleo nanā.”  I totonu o lana  faamatalaga lona lua i Papalagi o Apia, i le aso 31 o Ianuari, sa faitio Blake ona o le anoano o faamatalaga sa maua e le fuāva’a- ae le mafai ona faamaonia pe faatuatuaina.

Mo se faata’ita’iga-o le faatinoina o galuega e tusa ai ma faamatalaga ia sa faatatauina e faapea e lelei-ae mulimuli ane ona faamaonia le matua sese lava-sa faatinoina se gaoioiga tele i le Aso To’ana’i- aso 18 o Ianuari-ma le faamoemoe o le a si’omia ai le nofoaga autu o le Mau. Ina ua ‘ausia nofoaga ia sa faasino mai-e leai ma se mea e tasi e iloa ai soo se tagata ma e aliali mai e leai se tasi o le Mau sa i lea nofoaga i le faagasologa o aso e tolu ua mavae.

Fai mai Blake e ui lava ina manino mai “ua le to’ato’a lelei le Mau- ma e leai se mea e iloa ai ua latou manana’o e siilima mai! Ae ui o lea-e leai lava se manatu o le Mau e faaalu se taimi umi i totonu o se siosiomaga tusa lava pe latou te iloa e le talafeagai ai-ma sa fai ni taumafaiga e iloa ai le ono mafai ona fai o se feagaiga o le filemu.

O le tagata o le a soloa’i atu e suitulaga i le suafa o Tupua Tamasese-o le uso la’ititi lea o Tamasese ua mavae-o Tupua Tamasese Mea’ole-na ia faaalia e ala ia Epikopo o Darnard o le Ekalesia Katoliko e faapea o loo mana’o le Mau e talanoa.

O lea taumafaiga na faaleaogaina i lea lava taimi-talu ai e na o mea faa-fitafita lava e iloa e Blake ma Allen ma o lea sa mafaufau ai pe o le finagalo o Tupua Tamasese-pe o se amata lea o le si’ilima mai o le Mau.

Ae leai. i le vaiaso mulimuli o Ianuari-o le vaega tele o le Mau sa i le itu i sauté o le atumauga, e latalata i le faga i Safata. Na o’o atu Maligi i lea nofoaga mai le eleele ma le sami, ae na toe maua foi e le Mau le tala e faapea o lea gaoioiga ua toe se’e atu i totonu o le vaomatua.

Sa lipotia e Maligi e faapea o lea aso- se aso “faatiga. ”E tele ni vaega-‘au sa nofoia pea le vaega i sauté- ae o’o ane i le isi taimi-ua latou nofoia le maota o Faumuina i Lotofaga. Ina ua mavae le osofaiga i Safata-sa uaealesi loa Allen i Ueligitone-fai mai: “o le tulaga ua i ai e foliga mai o loo nofoia e le toatele o le Mau ni togalauapi i le vaomatua-ma i soo se gaoioiga faafuase’i lava-ona latou sosola loa lea i se isi nofoaga fou mai le laueleele i le sami, ae a toe maua foi e le Mau se tala e uiga i se osofaiga-ona latou toe se’e foi lea i se isi nofoaga fou i le vaomatua. O loo faaauau pea ona matou una’ia-ma faafaigata ona latou maua mea’ai-ma o lipoti ua maua- ua iloa ai ua amata ona latou vaivai.

Ona pau lava lipoti mai le Dunedin- o le faateleina pea lea o tagata mama’i. Ina ua mavae le lua o vaiaso o lea gaoioiga-na faamalosia Allen ma Blake ina ia faailoa atu e faapea la te lei maua lava se fesootaiga ma le Mau i totonu o le vaomatua.

“Ua mafatia i latou ma loto vaivai ae le o matua pagatia tele-ma ona pau lenei o le gaoioiga e mafai ona matou faia ma vaega-‘au o loo ia i matou-o le faaaliga lea a Blake ma Allen i Ueligitonu.

“O le vaega tele o le faitau aofai o tagata o le atunuu-e alolofa i le Mau ma lipotia a matou gaoioiga uma ma faatinoga e tali atu ai i faafitauli tau le maua mai o faamatalaga. O loo maua foi e le Mau le nofoaga e nonofo ai ai ma mea’ai mai o latou nuu. 

I le faagasologa o nai aso talu ai nei –sa esese lipoti a Blake e faapea ua malepe le Mau mai lona vaega autu, o le “toe fo’i” o le Mau i Lepea ma osofaiga e le faamanuiaina i le tele o nuu i le faataamilosaga o Upolu. Sa faaauau pea ona una’i e Blake na talosaga mo ni vaega-‘au faaopoopo, ae sa faaalia e Allen faailoga  o le to’ilalo popo, lana tofo i le mataupu atoa ma na fautuaina ai Ward e faapea o lona iloa e le toe manaomia nisi tagata. Sa tali mai Ward e manaomia e le Malo le matua titina ia mate o le Mau, ma sa faapea o le a fesoasoani mai Allen.

O Wallingford i lea taimi sa aafia i se galuega fou; o le tu’ipala lea o le Mau i laupepa o tusitusiga. O le mata’ituina o gaoioiga fai sa le manuia. O tagata Samoa e tilotilo muamua lava i luga i le vaalele, ma faaalia o latou nofoaga, ae afai e iloa a latou fuafuaga-ona lalafi loa lea o le Mau. Ae o le itu e sili ona leaga mo Wallingford-ua fai ma masani le le faaaogaina le togiga paauli a le Mau-lea sa lomia lava i le gagana Samoa.

O lautusi o ia tusi sa salalau solo i Upolu. O le tusi muamua fai mai o le faamoemoe o vaega-‘au a fuava’a –ina ia maua mo le faamasinoina i totonu o le Faamasinoga- i latou ua soli le tulafono-ma avatu i luma o Allen nisi o tamalii- e talanoaina le lumana’i o Samoa ma le “faamutaina o le Mau,” ina ia mafai ai ona faatumauina le filemu i totonu o le atunuu.!

© Samoa Observer 2016

Developed by Samoa Observer in Apia