Galulue pea

Tusia Deidre Tautua-Fanene ,

35 Hits

Mataio Aulemoe.

Mataio Aulemoe.

O le talitonuga lea o le tamā i a Mataio Aulemoe o Nu’u.

Na maua le fa’atalatalanoaga i le aso ananafi a’o aga’i i lana galuega.

O Mataio e fa’asavali lava ana galuega mo le fa’aleleia o leitio, tv, masini tagamea ma isi.

Na ia ta’ua o se tupe lelei e na te mauaina pe a lelei aso.

“E pei o lea lava le tulaga o lo’o ua i ai le taimi lenei,

“E leai se mea o toe faigofie i nei aso, ma o se itu taua tele lea mo le silafia e nai o tatou tagata.

“O a’u galuega o lo’o fa’asavali nei o lo’o mafai ona tausia ai le fanau e to’avalu ma le aiga.

“I lo’u iloa i ai, o le taumafai lava e atia’e aiga i le mafai e gata ai aua e pei ovaega nei e sili ona taua mo le aga’i ai le lumana’i.

“Ua o tatou iloa uma lava ua le toe faigofie nei aso ae mafai mea uma pe a o tatou galulue fa’atasi.

Na ia taua ua taugata le soifuaga.

‘Aepeitai o le taumafai ai pea e galulue o le a fesoasoani malosi lava mo le agai atu le lumanai.

“Ua o tatou iloa uma e leai se mea e mafai ona fa’atino vave ai le atina’eina o aiga pe afai na o le nofonofo e leai ni mea e faia.

“Ae pei o lea lava le agaga maualuga o lo’o ua i ai le taimi lenei, ma ose itu taua tele lea.

O lona naunautaiga o se Kirisimasi Fiafia ma le manuia.

‘E pei o lea lava le tulaga o lo’o ua i ai le taimi lenei ma o se itu taua e ao lava ona silasila toto’a i ai aua le aga’i atu ai le lumanai.

“E pei ona fa’ailoa ua faigata nei aso ma o se itu taua tele le galulue pea manu o lo’o mafai ona fa’atino o so’o se galuega.

© Samoa Observer 2016

Developed by Samoa Observer in Apia