Ua leaga aso

Tusia Ilia L Likou ,

52 Hits

Niko Maiava.

Niko Maiava.

O le taugata ai o le tau o le soifuaga o se itu lea na fa’ailoa e le tamā i a Niko Maiava i le Fofoga o Samoa.

Na ia ta’ua le tele o le mau atina’e ae o le itu taua o le ave lea o le fa’amuamua i tagata lautele.

“E pei o lo’u lea ia iloa ai le taimi lenei, ma o se itu taua tele lea i lo’u iloa i ai,” o lana saunoaga mai lea.

“I a te a’u lava ia, ia e leai lava se aiga e le’o toe i ai le tulaga lea o le tau fa’asoasoani o tupe maua aua le tamaoaiga lelei o tagata.

“Ae o la’u ia va’ai lena ua i ai Samoa, ua matua’i taugata lava le soifuaga a fua atu i ai le laiti o totogi o lo’o ua maua, ia o le  isi lena avega tele.

Na ia ta’ua o se itu taua tele o le taumafai ai lea o tagata ina ia tausia o vaega uma aua le aga’i ai le lumana’i.

“E pei o lea lava le tulaga o lo’o ua i ai nei, i lo’u ia iloa i ai, e ao lava i o tatou tagata ona fa’atino o so’o se faiga e tau tali atu ai le taugata o le soifuaga.

‘O a’u e to’afa si a’u  fanau, ia e va’ai lava le tulaga fo’i lea o letaumafai e fa’asoa lelei, aua e ta’u sa’o atu lava e na’o le aso lava e totogi ai e maua ai se tupe i le lima.

“O se upu lava i  le isi aso, ia e misi atoa lava a.

Na ia fa’aalia e ao lava i tagata ona va’ava’ai toto’a i vaega uma aua le atina’eina o aiga, aemaise o vaega uma e ao ona silasila i ai.

“Ia e pei o lea lava le tulaga o lo’o ua i ai le taimi lenei, o le taumafai lava, ua leaga aso, ae o le usua’i ai galuega i taeao uma.

“O lo’u ia lea fiafiaga, aua o lo’o i a se mea e  tagolima ai aua le tausiga o aiga ma fanau.

© Samoa Observer 2016

Developed by Samoa Observer in Apia