Galue malosi e faigofie ai le tausi aiga

Tusia Aruna Lolani ma Fetalai Tuilulu’u ,

55 Hits

FIAFIA E MAUA I LE AIGA: Maliuga Agamaua mai Samatau ma Saluafata.

FIAFIA E MAUA I LE AIGA: Maliuga Agamaua mai Samatau ma Saluafata.

Na maua le fa’atalatalanoaga le Fofoga o Samoa ma Maliuga Agamaua o se tasi o ali’i i o Samatau ma Saluafata ma sa ia fa’ailoa ai ni manatu e uiga le tulaga o le galue malosi ma le tau le tausi aiga. 

“O la’u a ia galuega lea i aso uma o le tausiga o lo’u aiga,” o lana tala lea i le Fofoga o Samoa.

“E to’atolu la’u fanau ma o lo’o matou nonofo uma i le aiga o lo’u to’alua."

 “E lelei a le olaga iinei i Samatau ae e iai a taimi ou te misia ai lo’u ia nu’u fa’apea lo’u aiga sa ou ola mai ai."

“Ae o le olaga a lea pea e alofa i lou to’alua ma lau fanau."

“E lelei a iinei e fifilemu mea uma ma e lelei fo’i faiganu’u."

“Ou te fiafia a ita o lo’o mafai ona ou fesoasoani atu i le aiga a si o’u to’alua fa’apea fo’i lo’u a’u aiga."

 “E lelei a le fesoasoani aua ou te alofa isi a’u fanau ma ou te leiloa fo’i po’o fea la’a mautu ai tamaiti pea matutua ifo.”

Na maua atu Maliuga ao fa’atali lana pasi ma ua fai lava se umi o ia fa’atali.

“E lelei a mea ae masalo e pau a le itu e tau seu ai o le tuai o pasi, aua fo’i  e le’o lelei le faiga o le taimi a ali’i ia."

“O le taimi nei, o la ua i Apia uma pasi ma o se fa’afitauli aua e o’o le taimi e taunu’u atu tagata i Apia, ua pasi mamao le taimi sa tatau ona fa’ataunu’u ai fuafuaga."

“E mamao lenei nu’u ma e mana’omia le iai o pasi i taimi uma aua e to’atele nai tagata e fia o atu i Apia."

“E lelei a mea uma i totonu o lea nu’u ae manaia pe’a vave mai fo’i pasi.”

© Samoa Observer 2016

Developed by Samoa Observer in Apia