Ia maua se galuega

Tusia Nefertiti Matatia ,

42 Hits

Tile Afasene

Tile Afasene

O lea le itu o lo’o ua taumafai ai pea le ali’i o Tile Afasene i le taimi lenei aua le aga’i atu ai le lumanai.

O lona talitonuga o le  vaitau lenei o aso fiafia e fesuia’i ai meaalofa ma  fiafia fa’atasi ai tagata uma.

“Ia ua o tatou iloa uma lava lenei vaitau e pei o mea uma lava e fa’alagolago i le tupe , ia o lea e le’i talia la’u tusi apalai i se tasi o kamupani pe i ai se isi e mafai ona alofa mai mo se galuega.

“E le fa’apea la o le a nofonofo ai pea, ae tatau ona su’e se galuega.

Na ia ta’ua o lo’o galulue nisi o lo latou aiga.

“Ia ae le avea lea tulaga ma mafu’aga e taofi ai lo’u tagata e tatau lava ona ou galue au ia e su’e au tupe mo a’u lava ia.

O le isi tulaga  na ia fa’ailoa o letaimi lenei o lo’o mana’o fo’i e fesoasoani i lona aiga.

“E pei o lea lava le tulaga o lo’o ua i ai nei o lo’u ia iloa i ai e leai lava se mea e mafai ona faia e aunoa ma se tupe.

“O lea lava e va’ava’ai atu ia e tele lava mea e mana’omia ai tatou e o tatou aiga, i le tele o le mau mea o lo’o ua i ai nei.

“O se itu taua tele le taumafai ai lea mo le fesoasoni mo le aga’i ai le lumanai o aiga, ua tele le mau fa’alavelave , o mea fai le lotu o se itu e ao lava ona o tatou va’ava’ai i ai le taimi lenei.

Na ia faailoa ua le toe faigofie nei aso.

“E pei o lea lava le mafua’aga o le naunautaiga o lo’o ua i ai nei lo’u nei tagata o le taumafai pea ina ia aga’i ai le lumanai.

“E leai se mea faigata pe afai ae maua se galuega  e fesoasoani ai i aiga.

© Samoa Observer 2016

Developed by Samoa Observer in Apia