Ua matua fiafia le fale failele

751 Hits

<p>VAITAU O LE FIAFIA : Pule Sili o Ah Liki o  Enele Westerlund faatasi ai ma le Sui Pule o Tuasivi o Polataivao Tasi Leo.</p>
<div><strong><br /></strong></div>

VAITAU O LE FIAFIA : Pule Sili o Ah Liki o  Enele Westerlund faatasi ai ma le Sui Pule o Tuasivi o Polataivao Tasi Leo.


Tusia : Deidre Fanene

Faaliliu e Seagaitumua Tupuola

 O le Kirisimani e faasino i le tuuina atu ma le faasoa atu o le alofa mo le isi tagata, ma e le o leiloa lea fe’au i le Falemai i Tuasivi. Na faasoa atu le kamupani a Ah Liki lea alofa i gasegase, e aofia ai ma pepe fou faatoa fananau mai ma o latou tina, i Savaii i le Aso Faraile.

O le Pule Sili o le Ah Liki o Enele Westerlund ma isi o le aufaigaluega a Ah Liki na tuuina atu le faitau afe ma afe tala e ala i tau o ia oloa, e aofia ai ma napekini ma oloa tau le tu-mama mo pepe, faapea foi ma o latou tina. I taimi amta o lenei tausaga e ititi ni mea na foa’i atu e Ah Liki,”o le faaaliga lea a Mr. Westerlund. 

“Na matou mau tala i ni faamatalaga fiafia e tusa ai ma lea itu.

“O le fale failele ma tamaitai tausima’i ma fomai na latou faafetai mea uma na matou mafai ona tuuina atu ia i latou.  “I lenei la taimi, mo le agaga o le Kirisimasi, ua tonu i le Ah Liki Wholesale e foa’i atu oloa e sili atu lona tau i le $4,000.”

Fai mai le Pule Sili o lea sao o le latou faiga lea e toe tuuina atu ai oloa i tagata mo le Kirisimasi.

“O le taimi muamua lenei ua foa’I atu ai e Ah Liki ni meaalofa i le falemai iinei i Tuasivi, talu ai ai e matua faafetaia e tagata  mea na matou faia muamua ma mo matou auai i Savaii, ua tonu ai ia i matou e tou tuuina atu mea i tagata iinei, aemaise ai lava i le falemai,” o lana faaaliga lea.  

“O loo matou tilotilo foi i isi nofoaga e faalagolago i meaalofa e tuuina atu i ai ni meaalofa mo lenei vaitau o le tausaga, ae i le taimi nei o loo ave la matou faamamafa i le falemai talu ai o i latou tonu ia na faaalia le latou faafetai ia i matou i le amataga o le tausaga. 

Na faafetaia e le Sui Pule o Auaunaga Tau le Soifua Maloloina Lautele i le Falemai i Tuasivi, o Polataivao Tasi Leo, le Kamupani a Ah Liki mo lo latou loto alofa.  “O le taimi muamua lenei ua fai ai se mea faapenei ia i matou, aemaise ai lava mo le fale failele.

 “O se lagona uiga ese le vaai atu ua aloa’ia i matou i mafaufau o tagata ma le atunuu.

 “Matou te matua faafetaia mea uma lava ua fai e le kamupani mo i matou ma ia alofa le Alii ma faaauau pea ona faamanuia atu i le kamupani.”

© Samoa Observer 2016

Developed by Samoa Observer in Apia