Ola faafetai i mea ua tatou maua

By Talimalie Uta ,

218 Hits

AMANAIA MEA TATOU MAUA: Laasaga Keti, 28, Leauvaa.

AMANAIA MEA TATOU MAUA: Laasaga Keti, 28, Leauvaa.

O loo sologa lelei pea le olaga mo Laasaga Keti, 28 tausaga mai Leauvaa Uta

Mai le tele o le faafitauli ma le taugata o le soifuaga i lenei vaitaimi, o loo fiafia pea Laasaga i lona olaga o loo i ai nei. Ma o loo faafetai ai foi i le Atua mo le meaalofa o Aiga. Aua o loo ola o ia i se aiga e pulupulu lima faatasi ma galulue faatasi.

“Ou te iloa ua faigata le olaga ae oute faafetai lava au i lou aiga o loo ala mai ai le fesoasoani sili i lou olaga.”

O Laasaga e sau mai i le aiga e toa 9, ma e nonofo faatasi ma o latou matua i Leauvaa.

Sa maua le avanoa a le Fofoga o Samoa e faatalanoa ina ai le alii ao agai i le fale ua manava mai galuega.

O lenei e galue i le fanua a le tasi tama ole latou nuu i uta.

 O le talitonuga lava o Laasaga pau lava le faafitauli o loo feagai ma tagata i nei ona po o le galue malosi i faamanuiaga o loo foai mai ele Atua.

“Ia au lava ia, o a mea ua foai mai e le Atua, talia ma amanaia."

“Tusa lava pe laititi, ae a galue malosi ma atinae e sologa lelei lava mea uma."

“A tele mai foi faamanuiaga, ia faaoga tatau ae leo le soona fai.”

Sa fa'aali mai foi le manatu o le alii, e le o taugata le soifuaga o loo sologa lelei lava ma talafeagai. 

“E alai ona taugata le soifuaga o le tagata lava ia i lona le galue malosi.”

“O loo tauatiae si o tatou atunuu ma o le mafuaaga foi na ua siisii ai le tau o le soifuaga, aua tatou te le tuma lava i se mea tasi, e agai i luma le olaga."

“E moi ua taugata le soifuaga ia e i luga lava o le tagata i lona le faamaoni male galue malosi.”

“O le galue malosi lava e mafai ai foi ona tatou ola i lenei olaga.”

© Samoa Observer 2016

Developed by Samoa Observer in Apia